Qos boksshy bir-birin jaqsy biledi. 2012 jyly Londonda alaýy tutanǵan Olımpııa oıyndarynyń jartylaı fınalynda olardyń joldary qıysyp, sol kezdesý rıng qojaıynynyń jeńisimen aıaqtalǵan edi. Olımpıada chempıony atanǵannan keıin Djoshýa birden kásipqoı boksqa aýysty. Alty jylǵa jýyq ýaqyt aralyǵynda Ulybrıtanııa ókili tolǵaı tabystarǵa qol jetkizdi. 22 kezdesýdiń barlyǵyn jeńispen aıaqtap, 21 qarsylasyn esinen tandyrdy.
Dychko áýesqoı rınginde taǵy biraz ýaqyt óner kórsetip júrdi. Bul rette ol nesibesiz bolǵan joq. Rıo Olımpıadasy men álem chempıonattarynda júlde aldy. Qurlyqtyq dodalarda dara shyqty. Tek sodan keıin baryp qana kásipqoı rıngke shyqty. Eki jylǵa jýyq ýaqyt aralyǵynda jerlesimiz jeti ret jekpe-jekke shyǵyp, barlyq básekeni merziminen buryn aıaqtady.
London Olımpıadasynda Ivan Dychko óziniń jeńilmegenin aıtýdan esh jalyqqan emes. Álem chempıonyn jekpe-jekke shaqyra otyryp otandasymyz: «Ol meni Olımpıadada utqan joq. Maǵan tıesili altyndy tóreshiler oǵan alyp bergen edi. Sol aǵattyqtyń ornyn toltyratyn kez keldi. Qazir kezdessek te Djoshýanyń meni jeńe almaıtyny anyq» dep málimdedi.
