Jıynda qalalyq otbasy, balalar jáne jastar isteri jónindegi basqarma basshysy J.Qaltaev jastar máslıhatyna saılaýǵa túsetin úmitkerlerdiń kimder bola alatynyn atap ótti. Onyń aıtýynsha, jastar máslıhatyna Shymkent qalasynyń aýmaǵynda turatyn 14-29 jas aralyǵyndaǵy Qazaqstan Respýblıkasynyń azamattary múshe bola alady. Jalpy máslıhat 29 jas depýtattan quralyp, ókilettiligi eki jylǵa sozylady.
– Saılaýǵa qatysýshy ár kandıdat qoǵammen etene qarym-qatynas jasap, turǵyndardyń qalaı ómir súrip jatqanynan habardar bolýy shart. Jastar máselesinde sheshilmeı jatqan túıinderdi anyqtap, olardy sheshý joldarymen usynatyn saılaýaldy baǵdarlamalary da bolýy qajet. Sebebi olar bılik basynda qala jastaryna turǵyn úı berý, jumyssyzdyq deńgeıin tómendetý jalpy jastardy áleýmettendirý máselelerine qatysty kúrdeli sheshim qabyldaıtyn bolady, - dedi basqarma basshysy.
Jastardy qoldaý – bul elimizdiń bolashaǵyna salynǵan ınvestısııa ekenin alǵa tartqan qala ákimi saılaý ashyq, ári ádil ótý úshin onlaın rejımde ótkizýdi usyndy.
