Konferensııaǵa partııanyń oblystyq fılıaly tóraǵasynyń birinshi orynbasary N.Joldasov, oblystyq máslıhat hatshysy Q.Balabıev, máslıhat depýtattary jáne bastaýysh partııa uıymdary men «Jas Otan» Jastar qanatynyń músheleri, buqaralyq aqparat quraldarynyń ókilderi qatysty. Jıyn barysynda Partııa Tóraǵasy N.Nazarbaevtyń partııanyń kezekti XVIII sezinde bergen tapsyrmalaryn, «Halyqqa kómek», «Baqytty otbasy», «Aýyl – el besigi», «Qutty meken» ulttyq jobalaryn iske asyrý baǵytynda atqarylyp jatqan jumystar baıandaldy. Kópbalaly jáne áleýmettik az qamtylǵan otbasylarǵa júıeli qoldaý kórsetýge baǵyttalǵan «Baqytty otbasy» jobasy qazirdiń ózinde nátıjeli júzege asyrylýda. Qazaqstandyq otbasylardy qoldaý baǵytyndaǵy keshendi sharalar otbasylardyń laıyqty ál-aýqat deńgeıin jasaýdy kózdeıdi. Oblys ákiminiń orynbasary Erbol Sadyr óz baıandamasynda «Baqytty otbasy» jobasyn júzege asyrý baǵytynda «Nur Otan» partııasynyń oblystyq fılıalalymen birlesip, kópbalaly otbasylarǵa qoldaý kórsetý sharalaryn jandandyrý kerektigin aıtty. «Partııa sezinde «Baqytty otbasy», «Halyqqa kómek», «Aýyl – el besigi» jáne «Qutty meken» jobalary usynylǵan bolatyn. Búginde jobalardy júzege asyrý maqsatynda aıqyndalǵan jumystar bastalyp ketti. Bul jobalarda eldiń áleýmettik jaǵdaıyn kóterý, óńirlerdi damytý, iri qalalardan bastap, eldi mekenderdi túletý sharalary qamtylǵan. 2019 jyly oblysymyzda joba aıasynda is-sharalardy iske asyrý úshin respýblıkalyq bıýdjetten 3 669,4 mln. teńge bólinip, oblys boıynsha 6 eldi mekendi qarjylandyrý josparlanýda.
Iаǵnı Báıdibek aýdany Báıdibek ata, Qazyǵurt aýdanyndaǵy Qyzylqııa, Otyrar aýdanynan Qoǵam, Saryaǵash aýdanynda Bereke, Keles aýdanynan Abaı jáne Kentaý qalasyndaǵy Yntymaq eldi mekenderinde joba aıasynda aýqymdy ister atqarylmaq» , – dedi E.Sadyr. Konferensııada sóz alǵan oblystyq máslıhat depýtaty Á.Dosbolov, Otyrar aýdany «Temir» jalpy orata mektebi dırektorynyń orynbasary A.Omar jobalar boıynsha atqarylǵan jumystarǵa toqtala kele, «Nur Otan» partııasy muqtaj jandarǵa áleýmettik kómek kórsetýmen birge barsha qazaqstandyqtyń laıyqty ómir súrýi úshin jaǵdaı jasalatyn tıimdi jáne ádiletti áleýmettik saıasattyń iske asyrylýyn kózdeıtinin atap ótti.
Sondaı-aq konferensııada Nur-Sultan qalasynda ótetin «Nur Otan» partııasynyń kezekti HIH Sezine qatysýshy delegattar saılandy.
Túrkistan oblysy
