Qazaqstannyń úsh boksshysy jarysty 1/16 fınaldan bastaıdy. 52 kılo salmaqtaǵy Ánýar Muzaparov mońǵolııalyq Enkmandah Hardýrdjýmen qolǵap túıistiredi.56 kılo salmaqtaǵy Qaırat Eralıev Ońtústik Koreıanyń oǵylany Iý Chan Lımen sheberlik baıqasady.
75 kılo salmaqtaǵy Tursynbaı Qulahmet Soltústik Koreıanyń saıypqyrany Chon Lı Homen kezdesedi.
Qalǵan jigitterimiz birden 1/8 fınalda óner kórsetedi. 49 kılo salmaqtaǵy Temirtas Júsipov taılandtyq Samak Saehanmen saıysqa túsedi.
60 kılo salmaqtaǵy Zákir Safıýllın men 69 kılo salmaqtaǵy Aslanbek Shymbergenovtyń qarsylastary áli anyqtalǵan joq.
64 kılo salmaqtaǵy Sanatáli Tóltaev Indonezıynyń ókili Lıbertýs Gamen kúsh synasady.
81 kılo salmaqtaǵy Bek Nurmaǵambetov kýveıttik Ál-Mýtahırmen aıqasady.
91 kılo salmaqtaǵy Vasılıı Levıt ırandyq Ámirıdi synaqtan ótkizse, asa aýyr salmaqtaǵy Qamshybek Qońqabaev nepaldyq Ashıs Davadımen aıqasady.
