Damýǵa negiz qalanǵan
Senbi, 1 qyrkúıek 2012 7:55
L.N.Gýmılev atyndaǵy Eýrazııa ulttyq ýnıversıtetiniń rektory Erlan SYDYQOVTAN Elbasynyń konferensııada alǵashqy kúni aıtqan oılary týraly jáne Negizgi zańymyzdyń máni men mańyzy jaıly pikirin aıtyp berýin suraǵan edik.
– Elbasy osy konferensııanyń alǵashqy kúni Konstıtýsııanyń máni men mańyzy týraly jańa oılarymen bólisti. Osyǵan ózińizdiń pikirińizdi bildirseńiz.
Senbi, 1 qyrkúıek 2012 7:55
L.N.Gýmılev atyndaǵy Eýrazııa ulttyq ýnıversıtetiniń rektory Erlan SYDYQOVTAN Elbasynyń konferensııada alǵashqy kúni aıtqan oılary týraly jáne Negizgi zańymyzdyń máni men mańyzy jaıly pikirin aıtyp berýin suraǵan edik.
– Elbasy osy konferensııanyń alǵashqy kúni Konstıtýsııanyń máni men mańyzy týraly jańa oılarymen bólisti. Osyǵan ózińizdiń pikirińizdi bildirseńiz.
– Elbasynyń keshegi jıynda aıtqan oılary shynymen de qazirgi bizdiń qoǵam úshin óte mańyzdy, qundy bolyp otyr. Bul konferensııanyń ótýiniń ózin men kez kelgenimiz úshin mańyzdy dep aıta alamyn. О́ıtkeni, Konstıtýsııa degenimiz – bul bizdiń ómirimizdiń ajyramas bir bóligi, memleketimizdiń Negizgi Zańy. Elbasy keshegi jıynda kóp máseleni kóterdi. Áleýmettik salany damytý, halyqtyń áleýmettik jaǵdaıyn jaqsartý, onyń joldary týraly jaqsy aıtty. Prezıdenttiń osy pikirleri bárimizdiń kóńilimizden shyqty, oıymyzdy dóp basty. Sol konferensııanyń jalǵasy retinde endi, mine, Eýrazııa ulttyq ýnıversıtetinde úlken jıyn ótýde. Oǵan bizdiń ǵalymdar, oqytýshylar quramy bári atsalysty. Bul jerde biz Elbasynyń keshegi jıynda aıtqan oılaryn oqytýshylarǵa, stýdentterge jetkizýdi maqsat etip otyrmyz.
Jalpy, ózgerissiz eshnárseniń bolmaıtyny belgili. О́zgeris degenimizdiń ózi tabıǵattyń zańdylyǵy. Al ózgeris bolmasa onda dogma bolady. Sondyqtan Memleket basshysynyń bolashaqta Ata Zańymyzdyń zaman aǵymyna saı ózgerýi múmkin ekeni týraly aıtqan pikirimen tolyq qosylamyn. Solaı bolý kerektigine kelisemin. Bıyl Konstıtýsııanyń búkilhalyqtyq referendým arqyly qabyldanǵanyna 17 jyl tolyp otyr.
– Dál qazir Konstıtýsııany ózgertýge bola ma?
– Bizdiń elde bul máselemen aınalysatyn arnaıy organdar bar. Bul másele solardyń quzyretine jatady. Iаǵnı eger zań shyǵarýshy organymyz Parlament pen sony halyqqa jetkizýshi jergilikti máslıhattar ózgeris qajet dese, onda ózgerister jasalýy múmkin. Negizi, qazirgi qoldanystaǵy Konstıtýsııamyzda elimizdiń damýyna, ósip-órkendeýine barlyq zańdyq negiz bar dep oılaımyn.
Áńgimelesken
Dastan KENJALIN,
«Egemen Qazaqstan».
