JAǴDAI JAQSARMAI TUR

Apat aıtyp kelmeıdi deıdi. Ásirese, saqtyq sharalary tıisti dárejede qolǵa alynbaǵan kezde appattyń qaýiptiligi eki ese arta túsedi. Sonyń biri Astana qalasynda sońǵy kezderi órt jıilep ketti. О́tken aptanyń ózinde Almaty aýdany boıynsha 9 órt oqıǵasy tirkeldi. Máselen, aqpan aıynyń aıaǵynda órtke qarsy qyzmet bóliminiń jedel basqarý ortalyǵyna Aqan seri kóshesindegi jeke turǵan jer úıde órt shyqqandyǵy týraly habar tústi. Biraq habar kesh túsken soń órt sóndirýshiler oqıǵa ornyna jetkende jalyn 20 sharshy metr kólemdi sharpyp úlgergen eken. О́kinishke oraı, tilsiz jaý 5 adamnyń ómirin jalmap ketti. Al jalpy sońǵy 2 aıda Astanada 182 órt tirkelip, 11 adam qaza tapty, bul byltyrǵy jylmen salystyrǵanda 17 paızǵa kóp degen sóz. О́rt oqıǵasynan týyndaǵan adam ólimi de byl­tyr­ǵy jylmen salys­tyr­ǵanda 80 paıyzǵa artyp otyr. О́rttiń basty sebepteri elektr quraldaryn ornatý normalarynyń buzylýy, pesh jaqqan kezde órt qaýipsizdigi sharalarynyń saqtalmaýy jáne abaılamaý saldary bolyp otyr. Kópshilik órt qaýipsizdik erejesine nemquraıly qaraıdy. Sonyń saldarynan elordada jer úılerde tur­ǵyndardyń ıisti gazdan ýlanyp aýrýhanalarǵa túsýi, qaza bolý faktileri de kóbeıip ketti. Osyǵan baılanysty tótenshe jaǵdaılar basqarmasynyń qyzmetkerleri Astana qalasynyń turǵyndaryna órt oqıǵasy bolǵan jaǵdaıda azamattardyń qandaı sharalar qoldaný jáne elektr quraldary men peshterdi paıdalaný kezinde órt qaýipsizdigin saqtaý qajettigin túsindirý maqsatynda 1 aqpan men 1 sáýir aralyǵynda Almaty aýdanynyń turǵyn úı sektorynda órt qaýipsizdigi aılyǵyn ótkizýdi qolǵa aldy. Avtory: Serik BEISEMBEKOV, Astana TJD Almaty aýdanynyń aǵa ınjeneri.