Ońtaılandyrý ońdy ótti
Senbi, 10 qarasha 2012 7:05
Memleket basshysy Qazaqstan halqyna arnaǵan «Áleýmettik-ekonomıkalyq jańartý – Qazaqstan damýynyń basty baǵyty» Joldaýynda ekonomıkany nyǵaıtýǵa jáne halyqtyń ál-aýqatyn arttyrýǵa arnalǵan sharalar keshenin aıqyndap bergen bolatyn, solardyń biri – quqyq qorǵaý organdary qyzmetkerlerin kezekten tys attestattaý arqyly búkil quqyq qorǵaý júıesin damytý bolyp tabylady.
Senbi, 10 qarasha 2012 7:05
Memleket basshysy Qazaqstan halqyna arnaǵan «Áleýmettik-ekonomıkalyq jańartý – Qazaqstan damýynyń basty baǵyty» Joldaýynda ekonomıkany nyǵaıtýǵa jáne halyqtyń ál-aýqatyn arttyrýǵa arnalǵan sharalar keshenin aıqyndap bergen bolatyn, solardyń biri – quqyq qorǵaý organdary qyzmetkerlerin kezekten tys attestattaý arqyly búkil quqyq qorǵaý júıesin damytý bolyp tabylady.
Osyǵan oraı «Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly» Elbasynyń Jarlyǵynyń, Bas prokýratýranyń normatıvtik quqyqtyq aktileriniń talaptaryn oryndaý maqsatynda Astana qalasy prokýratýrasynyń jedel qyzmetkerlerin kezekten tys attestattaý aıaqtaldy.
Sondaı-aq memleketimiz táýelsizdigin alǵannan beri bizdiń eldiń quqyq qorǵaý organdarynda demokratııalyq qoǵamnyń barlyq talaptaryna jaýap beretin kásibı kadr áleýetin qalyptastyrýǵa baǵyttalǵan keń aýqymdy kezekten tys attestattaý júrgizilmegenin atap ótý kerek. Attestattaý úsh satyly kezeńdi qamtydy: attestattaýǵa jatatyn qyzmetkerdiń Qazaqstan Respýblıkasynyń zańnamasyn bilýi jáne logıkalyq oılaý qabiletin kompıýterlik testileý; psıhologııalyq ornyqtylyǵyna testileýden ótý jáne qyzmetkermen áńgimelesý.
Jalpy, barlyǵy qala prokýratýrasynyń attestattaýdan ótýi tıis 166 qyzmetkeri óńirlik attestattaý komıssııasyna áńgimelesýge jiberildi. Áńgimelesý qorytyndysy boıynsha qala prokýrory M. Jórgenbaevtyń tóraǵalyǵymen jáne Bas Prokýrordyń orynbasary N.Isaevtyń qatysýymen óńirlik attestattaý komıssııasy mynadaı qorytyndy shyǵardy: 153 qyzmetker nemese 91,6 paıyzy atqaryp otyrǵan qyzmetine laıyqty dep tanylyp, onyń ishinde 8 qyzmetker nemese 5,2 paıyzy joǵary turǵan laýazymdarǵa usynyldy; 13 qyzmetker nemese 8,4 paıyzy atqaryp otyrǵan qyzmetine laıyq emes dep tanylyp, onyń ishinde: 10 qyzmetkerge qyzmetin tómendetýge; 1 qyzmetkerge basqa qyzmetke aýysýyna; 2 qyzmetkerdi prokýratýra organynan shyǵarýǵa usynys jasaldy.
О́ńirlik attestattaý komıssııasy quramyndaǵy prokýratýra organdarynyń ardagerleri Astana qalasy prokýratýra organdary qyzmetkerleriniń kásibı daıyndyqtarynyń joǵary deńgeıde ekenin, sondaı-aq jalpy attestattaýdyń ádil jáne ashyq ótkizilgenin atap ótti.
Budan buryn, Premer-Mınıstr tóraǵalyq etken Joǵary attestattaý komıssııasynda zańnamany bilýi, logıkalyq oılaýy boıynsha kompıýterlik testileý, sondaı-aq psıhologııalyq ornyqtylyǵyn test jáne áńgimelesý arqyly tekserýdi qamtıtyn kezekten tys attestattaýdan qala prokýrory M. Jórgenbaev pen onyń 3 orynbasary ótip, laýazymdaryna laıyq dep tanyldy.
Zańnamany bilýi, logıkalyq oılaýy boıynsha kompıýterlik testileý, sondaı-aq psıhologııalyq ornyqtylyǵyn test jáne áńgimelesý arqyly tekserýdi qamtıtyn kezekten tys attestattaýdan súrinbeı ótken aýdandyq deńgeıdegi 4 prokýratýra basshysy, Astana qalasy prokýratýrasynyń 6 qurylymdyq bólimshesiniń bastyqtary, kadr jáne ishki qaýipsizdik qyzmetiniń mamandary Bas Prokýror tóraǵalyq etetin Ortalyq attestattaý komıssııasyna jiberilgen.
Atalǵan qyzmetkerlerdiń 11-i óz laýazymdaryna sáıkes dep tanylyp, onyń ishinde 2-eýi joǵary turǵan qyzmetke kótermeleýge, 1 qyzmetker qyzmet dárejesin tómendetýge usynyldy.
Aıgúl TURǴANBAEVA,
Astana qalasy prokýrorynyń
kadr jumysy boıynsha
aǵa kómekshisi.
