Kýágerlerden jaýap alyndy
Sársenbi, 21 qarasha 2012 0:04
Taldyqorǵan qalalyq sotynda áskerı qyzmetshi V.Chelahtyń isi boıynsha ashyq sot prosesi jalǵasýda.
Proseste sóz alǵan sottalýshynyń advokaty Serik Sársenov sotqa tóraǵalyq etýshi Erbol Ahmetjanovtan bas tartatynyn málimdedi. Qorǵaýshynyń málimdemesin qaraý úshin Almatydan qylmystyq ister jónindegi mamandandyrylǵan aýdanaralyq áskerı sot tóraǵasy Sovethan Sákenov keldi. Advokat Sársenovtiń dáıekterin tyńdaı kelip, sýdıa Sákenov ony negizsiz dep tanydy jáne sýdıa Ahmetjanovtan bas tartý týraly ótinishin qanaǵattandyrmaı tastady.
Sársenbi, 21 qarasha 2012 0:04
Taldyqorǵan qalalyq sotynda áskerı qyzmetshi V.Chelahtyń isi boıynsha ashyq sot prosesi jalǵasýda.
Proseste sóz alǵan sottalýshynyń advokaty Serik Sársenov sotqa tóraǵalyq etýshi Erbol Ahmetjanovtan bas tartatynyn málimdedi. Qorǵaýshynyń málimdemesin qaraý úshin Almatydan qylmystyq ister jónindegi mamandandyrylǵan aýdanaralyq áskerı sot tóraǵasy Sovethan Sákenov keldi. Advokat Sársenovtiń dáıekterin tyńdaı kelip, sýdıa Sákenov ony negizsiz dep tanydy jáne sýdıa Ahmetjanovtan bas tartý týraly ótinishin qanaǵattandyrmaı tastady.
О́z kezeginde sottalýshy Chelah istiń qupııa materıaldarymen tanysý úshin ózine jáne advokatyna úsh kún berý jóninde ótinish bildirdi. Sýdıa Sákenov sottalýshyǵa jáne onyń qorǵaýshysyna olarǵa qajet materıaldarmen tanysýǵa ýaqyttyń jetkilikti bolatynyn aıtyp, olardyń ótinishterin qanaǵattandyrýdan bas tartty.
Osydan soń sot aıyptaý kýágerlerin tyńdaýǵa kiristi. «Arqankergen» zastavasynda bolyp, Chelahpen kezdesken shekara qyzmeti soldattary sóz sóıledi. Sondaı-aq «Toqjaılaý» qystaǵynda jasyrynyp júrgen V.Chelahty ustaǵan izdeý tobynyń músheleri óz kórgenderin baıandady. «Arqankergen» zastavasyna jaqyn ornalasqan «Toqjaılaý» qystaǵynyń jáne orman sharýashylyǵynyń qyzmetkerlerin tergegen sot qylmys bolǵan jerdiń erekshelikterin egjeı-tegjeıli anyqtady.
О́z kezeginde áskerı qyzmetshi Kıreevtiń jesiri sotta sóz sóılep, sottalýshy Chelahtan 5 mln. teńge moraldyq shyǵyn talap etti.
Ashyq sot otyrysy odan ári jalǵasýda.
«Egemen-aqparat».
