JAŃA MÚMKINDIKTERGE JOL AShYLDY

Qarjy mınıstri Bolat Jámishev bastaǵan respýblıkalyq aqparattyq-nasıhattyq top Jambyl oblysynda boldy. Toptyń maqsaty – Prezıdenttiń Qazaqstan halqyna arnaǵan jańa Joldaýynan týyndaıtyn mindetter men tapsyrmalardy elge jete túsindirý men ony júzege asyrýǵa atsalysý bolyp tabylady. Elbasynyń bıylǵy Joldaýy 1997 jyly jarııalanǵan “Qazaq­stan-2030” Strategııasynyń alǵash­qy onjyldyǵynyń qorytyndy­la­ryn belgilep bergeni belgili. Endigi meje ­– elimizdiń aldaǵy onjyl­dyq­taǵy turaqty damýyn qamta­ma­syz etip, jańa múmkindikterge jol ashý. – Bul rette Prezıdent damý­dyń negizgi basymdyqtaryn aı­qyn­dap berdi. “Jol kartasy” sheń­be­rinde Jambyl oblysy boıynsha 6 182,7 mln. teńge bólinip otyr. Atap aıtqanda, mektepterdi, aýrý­ha­nalardy jáne basqa da áleýmet­tik nysandardy kúrdeli jáne aǵym­daǵy jóndeýge – 904,5 mln. teńge, oblystyq jáne aýdandyq mańyzy bar avtomobıl joldaryn, qalalar men eldi mekenderdiń kóshelerin jóndeý jáne ustaýǵa – 1 679,6 mln. teńge, kentterde, aýyldarda, aýyldyq okrýgterde áleýmettik jobalardy qarjylandyrýǵa – 724,5 mln. teńge, ınjenerlik-kom­mýnıkasııalyq ınfraqurylymdy jóndeý jáne qalalar men eldi mekenderdi abattandyrýǵa – 54,8 mln.teńge, ınjenerlik-kommýnı­ka­sııalyq ınfraqurylymdy damytý jáne qalalar men eldi mekenderdi abattandyrýǵa – 1 860,5 mln. teńge, áleýmettik jumys oryndary jáne jastar tájirıbesi baǵdar­la­masyn keńeıtýge – 648,0 mln. teń­ge, kadrlardy daıarlaý jáne qaıta daıarlaýǵa – 310,8 mln. teńge qa­ral­dy, dedi mınıstr. Onyń aı­týyn­sha, oblys boıynsha densaý­lyq saqtaý nysandarynyń qury­ly­­syna da biraz qarjy qarasty­rylǵan. Prezıdent Joldaýyndaǵy tap­syr­malardyń biri – adam kapı­ta­lyn arttyryp, bolashaqqa ınves­tı­sııa salý. Mınıstr, osyǵan oraı, Úki­met bıýdjetten áleýmettik sa­laǵa bólinetin qarajatty kóbeıtip jáne onyń durys paıdalanýyn ba­qylaıtyn bolady, dedi. Qazaq­stannyń aýmaǵynda eńbek etýge kelgen burynǵy azamattar men eli­mizdiń jaısyz aýdandarynda turyp jatqan azamattar bolyp tabylatyn etnıkalyq ımmıgranttardy jaı­las­tyrýǵa qatysty “Nurly kósh” baǵdarlamasynyń iske asyrylyp jatqany týraly da atap ótti. Bul ıgi is-shara etnıkalyq jáne ishki ımmıgranttardyń eleýli bóliginiń ómir sapasyn arttyrýǵa, Qazaq­stan­nan buryn kóship ketken jo­ǵary bilikti mamandardyń qaıtyp oralýyn yntalandyrýǵa, sondaı-aq jumyssyzdyqpen jáne jappaı kóshý qıyndyqtarymen baılanys­ty áleýmettik táýekelderdiń týyn­daýynyń aldyn alýǵa, áleýmettik turaqtylyq pen kelisimdi nyǵaı­týǵa, elimizdegi demografııalyq jaǵ­daıdy jaqsartýǵa múmkindik beredi, dedi ol. Mınıstr sapar barysynda ob­lys ortalyǵyndaǵy joo oqytý­shy­lar quramymen, stýdenttermen, iri kásiporyn jumysshylarymen, oblystyq aýrýhana ujymymen jáne oblys aktıvimen kezdesti. Aza­mattardy jeke suraqtary boı­ynsha qabyldady. Aýdandarda bolyp, halyqpen jáne eńbek ujymdarymen kezdesti. Jambyl oblysy. Kósemáli SÁTTIBAIULY.