JÚIELI JUMYS – MEJEDEN ShYǴÝ KEPILI

Oblys ákimi Eleýsin Saǵyndyqovtyń tóraǵalyq etýimen ótken májiliste Elbasy Nursultan Nazarbaevtyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty halyqqa Joldaýynan týyndaıtyn mindetterdiń óńirde qalaı júzege asyrylyp jatqandyǵy jáıli jan-jaqty áńgime boldy. Joldaýdaǵy tapsyrmalarǵa sáı­­kes ázirlengen Úkimettiń bes jylǵa arnalǵan jedeldetilgen ındýstrııa­lyq-ınnovasııalyq damý baǵdarla­ma­syn júzege asyrýdyń naqty joldary aıqyndalyp, júıe­li ju­mys­tar bastalyp ta ketti. De­rek kóz­derinen belgili bolǵanyn­daı, bizdiń oblys barlyq sala boı­yn­sha qar­qyndy damyp kele ja­tyr. Son­dyqtan oblysta aldaǵy ýa­qytta osy qarqyndy báseńdetpeýdi kózdegen is-qımyl óristeıdi dep kútilýde. Oblys ákiminiń orynbasary Roza Kemalova respýblıkalyq “Bız­nestiń jol kartasy” baǵdar­lamasy boıynsha Aqtóbe óńirinde atqarylatyn sharýalardy jan-jaqty taratyp áńgimeleı kelip, olar­dyń birqataryna erekshe toq­taldy. Onyń málimdeýinshe, Qazaq­stannyń ındýstrııalandyrý karta­sy­na Aqtóbe oblysynan 28 joba usynylǵan. Indýstrııalandyrý kar­tasy aıasynda oblystyń eko­no­mı­kalyq damýyna eleýli qosyp kele jatqan Dóń ken baıytý kom­bı­natynda “SBS Steel” JShS-niń bólshektelgen shoıyn óndiretin me­tallýrgııalyq zaýytyn paıdalanýǵa berý, “Aqtóbe mys kompanııasyna” qarasty mys jáne myryshy bar rý­dalar ken oryndaryn keshendi ıgerý,“QazhromTUK”AQ-tyń fer­roqorytý zaýytynyń №4 sehyn is­ke qosý kózdelýde. Osyndaı iri jo­balardy júzege asyrýdyń nátı­je­sinde 2015 jylǵa qaraı metall ónim­derin óndirý 5 ese, hımııa óner­kásibiniń ónimi de osynshama ese artatyn bolady. 2015 jylǵa deıin oblysta quny 5,3 mıllıard dol­lar bolatyn júzden astam ny­san paıdalanýǵa berilmek. Bıyl­dyń ózinde quny 1,1 mıllıard dol­larǵa teń 43 jańa nysan iske qo­sylady. Oblysta qurylys ındýstrııa­syn damytýǵa baǵyt ustalýda. Qazir alys-jaqyn shetelderden ákelinip júrgen qurylys materıaldaryn ózimizde shyǵarýdyń alǵysharttary jasalýda. Oblys ákiminiń oryn­ba­sary Roza Kemalovanyń aıtýynsha, alda kásipkerlikke basymdyq beriledi, ınnovasııalyq tehnologııa da osy salaǵa keńirek engiziledi. Oblys ákiminiń orynbasary Aleksandr Dýbovenko Aqtóbe ob­lysynyń ınjenerlik ınfraqury­ly­mdyq damýy týraly habarlama ja­sady. Onyń aıtýynsha, Aqtóbe qalasy men oblystyń segiz aýda­ny­na qa­ras­ty elý eldi mekenniń 400 myń tur­ǵyny kógildir otynnyń ıgi­ligin kórip otyr. Bıyl 19 eldi mekenge gaz barady, ol úshin res­pýblıkalyq bıýdjetten 2,3 mıl­lıard, jergilikti bıýdjetten 1,6 mıl­lıard teńge qa­ralǵan. 2011 jyly Baıǵanın jáne Qobda aýdan­darynyń ortalyǵyna júrgizilip jatqan gaz qubyrynyń qu­rylysy aıaqtalady. 2011-2015 jyl­dary taǵy da 77 eldi mekenge gaz qubyry tartylady dep jospar­lanýda. 2002-2009 jyldary 71 eldi me­ken taza sapaly aýyz sýmen qam­tamasyz etilipti. Turǵyndardy aýyz sýmen qamtamasyz etý baǵdarlama­sy boıynsha bıyl 22 joba júzege asyrylmaq, ol úshin 2 mıllıard teń­geden astam qarjy bólinbek. Al 2011-2015 jyldary 66 jobany jú­zege asyrýǵa baǵyttalatyn qarjy kó­lemi 15 mıllıard teńgeni qu­raı­dy. Mine, aýyldyqtardyń “bas aý­rýyna” aınalǵan aýyz sý máselesin sheshýdiń qaıtarymdy qadamdary osyndaı. Aleksandr Dýbovenko oblystaǵy avtokólik joldaryn jóndeý jumystaryna da toqtaldy. Oblystaǵy ındýstrııalandyrý kartasynyń aıasynda júrgizilip jat­qan jumystarmen egjeı-teg­jeı­li tanysqan Eleýsin Saǵyn­dyqov basqarmalar men depar­ta­ment basshylaryna, is basyndaǵy laýazymdy tulǵalarǵa ár jobanyń tehnıkalyq-ekonomıkalyq negizde­me­lerin jasaýdan bastap tolyq aıaq­talǵanǵa deıingi jumystyń sa­paly jáne merziminde oryn­da­lýy­na jaýapkershiliktiń qatań sura­la­tynyn qadap aıtty. Elbasy Jol­daýyndaǵy aıtylǵan tapsyrmalar­dy júzege asyrýdyń bastalyp ketkenin, al bul mindettiń údesinen abyroımen kórinýge óńirde múm­kindikter mol ekenin jetkizdi. Son­dyqtan alda árkimniń bel sheshpeı jumys isteýge daǵdylanýy qajet. Eleýsin Naýryzbaıuly máji­lis­ti qorytyndylaı kele, aldaǵy kún­derdiń úlken isterden úmitten­diretinin málim etti. Oblystyń ózindik ilgerileý joly aıqyndal­ǵa­nyna naqty mysaldar keltirdi. Kúni erteń júzege asyrylatyn ın­dýstrııalyq-ınnovasııalyq joba­lardyń qaısysy qanshalyqty ta­bys ákeletinin, qansha jumys oryndary ashylatynyn dáıekti dáleldedi. Sondyqtan osy bastan kásibı sheberligi joǵary jumysshy mamandarǵa suranys bolatynyn eskerýdi, muny qazirden qolǵa alý qajettigin tilge tıek etti. Erteńgi kúnderdiń enshisindegi sharýalardyń búginnen bastaý alatynyna basa nazar aýdardy. Aqtóbe oblysy. Satybaldy SÁÝIRBAI.