Oıdan oı týady
Sársenbi, 25 shilde 2012 8:18
Osydan bir aı shamasy buryn «Egemen Qazaqstan» gazetinde «Aldyńǵy tolqynnyń orny bólek» atty maqala shyqty. Avtory – R.Sárpekov. Buryn tek depýtat dep biletin kópshilik osy maqalany oqyǵannan keıin avtordy jańa qyrynan tanyǵandaı boldy. Bárinen buryn onyń aıtysqa jankúıer ǵana bolyp qoımaı, oǵan tıisti baǵa berip, shynaıy taldaý jasaǵandyǵy rızashylyq sezimin týǵyzdy.
Sársenbi, 25 shilde 2012 8:18
Osydan bir aı shamasy buryn «Egemen Qazaqstan» gazetinde «Aldyńǵy tolqynnyń orny bólek» atty maqala shyqty. Avtory – R.Sárpekov. Buryn tek depýtat dep biletin kópshilik osy maqalany oqyǵannan keıin avtordy jańa qyrynan tanyǵandaı boldy. Bárinen buryn onyń aıtysqa jankúıer ǵana bolyp qoımaı, oǵan tıisti baǵa berip, shynaıy taldaý jasaǵandyǵy rızashylyq sezimin týǵyzdy.
Avtor maqalasynda «Qańtarýly tulparlar, qaıdasyńdar?» aqyndar aıtysynyń uıymdastyrylýdaǵy maqsatty basshylyqqa ala otyryp, oǵan qatysqan óner ókilderine dál sıpattama bergen. Olardyń aıtys ónerinde qaldyrǵan ózindik qoltańbalary jaıly tujyrymy da, qolǵa alynýǵa tıisti sharalar týraly oı-usynystary da kópshilik kóńilinen shyqty deýge bolady.
Ár ónerdiń óz talaıy, óz baǵy bar shyǵar. Degenmen, el egemendik alǵan tusta ultymyzdyń osy bir tól óneriniń baǵyn ashyp, juldyzyn qaıta jandyryp, onyń basqa ónerden artyq úkilenýine abzal azamat, arqaly aqyn Júrsin Erman bas bolyp, qalǵandary qostaǵan Áselhan Qalybekova, Ásııa Berkenova, Qonysbaı Ábil, Aıtaqyn Bulǵaqov, Esenqul Jaqypbekov, Shorabek Aıdarov, Qýanysh Maqsutov, Abash Kákenov eńbekterin eshkim umyta qoımas. Bul attary málim aǵa býyn ókilderi aıtystyń alǵashqy mektebiniń negizin qalady desek, artyq aıtqandyq emes. Osy aıtyskerler mán bere uǵynǵan adamǵa eki shekti dombyranyń únimen áýezdesetin jarasymdy maqamdy, laıyqty sazdy da taba bildi. Shynyna kelgende, zamanaýı aıtys óneriniń úlgisin jasap, kemeldenip qalyptasýyna jol saldy. Aıtystyń ózine tán mádenıetin qalyptastyrdy.
Osy jerde R.Sárpekovtiń: «Aǵa býyn aıtysker aqyndardyń tartymdy týyndylaryn jınaqtap, kitap etip shyǵarsa», degen usynysy óte quptarlyq. Aıtyp otyrǵanymyzdaı, aıtys rýhanı qundylyq bolsa, ony jınaqtap, baspadan shyǵaryp otyrýǵa nege qoldaý kórsetpeske?
Taǵy bir oı bar. Ol Mádenıet mınıstrligi aıtysty qanatynyń astyna alyp, olardyń sheberligin shyńdap, baǵyt-baǵdar beretin tıisti ortalyq ashsa, oǵan baı tájirıbesin bólisýge «qańtarylǵan tulparlardy» tartsa degen pikir. Sonda, munyń ulttyq ónerge degen shynaıy qamqorlyq bolyp tabylary daýsyz.
О́ris Iаshúkirqyzy.
Astana.
