Bir jańbyrdan qala ma?
Seısenbi, 9 qazan 2012 7:12
Kúıingen soń jazasyń da. Kenesary hannyń qalyń qolyn basqaryp, táýelsizdik úshin arpalysqan Aǵybaı batyr mazarynyń ketken sıqy bir túzelmeı qoıdy.
1984 jyldyń qazan aıynyń 27-i kúni aýdan ortalyǵynan eki júz elý shaqyrym ári jolsyz qııandaǵy Aǵybaı batyr mazaryna kóktas qoıdyq. Mazardyń tóbesi oıylyp, kúmbezi juqaryp qalǵan eken. Jańbyr shaıǵan qabyrǵalary da tilim-tilim. Keler jyldyń jazynda joǵary jaqtaǵylarǵa jıyrma myń kirpish bólinse, mazardyń syrtynan óre qalap tastamaq oıymyz baryn da jetkizdik. Alaıda, ol kezde qolynda bıligi barlar mundaı iske barýǵa táýekel ete almady.
Seısenbi, 9 qazan 2012 7:12
Kúıingen soń jazasyń da. Kenesary hannyń qalyń qolyn basqaryp, táýelsizdik úshin arpalysqan Aǵybaı batyr mazarynyń ketken sıqy bir túzelmeı qoıdy.
1984 jyldyń qazan aıynyń 27-i kúni aýdan ortalyǵynan eki júz elý shaqyrym ári jolsyz qııandaǵy Aǵybaı batyr mazaryna kóktas qoıdyq. Mazardyń tóbesi oıylyp, kúmbezi juqaryp qalǵan eken. Jańbyr shaıǵan qabyrǵalary da tilim-tilim. Keler jyldyń jazynda joǵary jaqtaǵylarǵa jıyrma myń kirpish bólinse, mazardyń syrtynan óre qalap tastamaq oıymyz baryn da jetkizdik. Alaıda, ol kezde qolynda bıligi barlar mundaı iske barýǵa táýekel ete almady.
Táýelsizdik qolǵa tıgen soń Aǵybaı mazaryn jóndeý máselesin qaıta-qaıta kótergenbiz. Aqyry 2005 jyly restavrasııa jasalatyn boldy. О́kinishtisi sol, osy maqsatqa bólingen bálenbaı mıllıon qarjynyń aıaǵy qurdymǵa ketti. Ár jerin shuqyp sylaǵan bolyp, mazardyń jıek-jıegine qańyltyr sý aǵar qoıǵan. Bylaı qarasań mazar qańyltyrdan aq qalpaq-shlıapa kıip turǵandaı. Mazardyń syrtyna tordan «kóılek» kıgizip, sylaǵan boldy. Onysy keler jylǵa jetpeı boı-boıy shyǵyp, túsip qaldy.
Mazardyń surqynyń sonshama qashýy jurt nazarynan tys qalmady. Mazardy qalpyna keltirý jumysy qaıta kóterilip, taǵy jıyrma mıllıon teńgege jýyq qarjy bólindi. Sóıtip, «Kúmbez» atty taǵy bir mekeme iske kiristi. Keler jyly jumysyn aıaqtady. Osyǵan da shúkirshilik ettik. Shúkirshilikten aryǵa taǵy bara almadyq. Jaqyndaı kele qańyltyr qalpaqtan qutylǵan mazardyń julym-julym syrtqy syıqyn kórip, kóńil qulazydy. Aǵekeń kúmbeziniń etegi aınala boı-boıyna ydyrap, túsip qalǵan.
Ǵasyrlar boıy jańbyr men jeldiń ótine de, talaı-talaı jaýlyq, dushpandyqtyń nıeti men búldirgish isine de tótep bergen Aǵybaı batyrdyń mazarynyń kórinisi osy. Dúleı tabıǵattyń alapat jańbyry qulatyp ketpese ıgi.
Kámel JÚNISTEGI,
jazýshy, QR mádenıet qaıratkeri.
Qaraǵandy oblysy.
