Ákimi «jańarsa» da joly jańarmaıtyn aýdan
Beısenbi, 22 qarasha 2012 7:08
Jaqynda tilshiler qosynyna ahylap-úhilep bir oqyrmanymyz keldi. О́zi jýyrda Sarysý aýdanyna jolaýshylap baryp qaıtypty. «Joldyń jaıyn júrgen biledi» degen emes pe, etektegi el qalaı dep jatyrmyz.
– Bári durys qoı, – dedi oqyrmanymyz. –Biraq Saýdakent aýylynan óte bere jol azabyn kórip, qatty qınaldyq. Oı, shuqyr bolyp ketken jol adymymyzdy ashtyrmady. Ana jolǵa bar ǵoı, adam turmaq, temir shydamaıdy…
Beısenbi, 22 qarasha 2012 7:08
Jaqynda tilshiler qosynyna ahylap-úhilep bir oqyrmanymyz keldi. О́zi jýyrda Sarysý aýdanyna jolaýshylap baryp qaıtypty. «Joldyń jaıyn júrgen biledi» degen emes pe, etektegi el qalaı dep jatyrmyz.
– Bári durys qoı, – dedi oqyrmanymyz. –Biraq Saýdakent aýylynan óte bere jol azabyn kórip, qatty qınaldyq. Oı, shuqyr bolyp ketken jol adymymyzdy ashtyrmady. Ana jolǵa bar ǵoı, adam turmaq, temir shydamaıdy…
Oqyrmanymyzdyń qapa bolatynyndaı bar, bul jolmen jýyrda biz de júrip ótkenbiz. Sonda shoqalaqtaǵan kólikpen Sholaqqorǵan turmaq, qol sozym jerdegi Baba Túkti Shashty Ázizdiń mazaryna áreń degende jetkenbiz.
Mazar shyraqshysynyń: «At-kólikterińiz aman-esen jettińizder me?» degen maqamyna: «Joldyń shoqalaǵy bolmasa, jaǵdaıymyz onsha jaman emes», dedik. Sol sol-aq eken, shyraqshy julyp alǵandaı: «Jo-joq, bizdiń Sozaq aýdanynyń basshylaryna shák keltirmeńizder, sizderdi sharshatqan jol anaý Sarysý aýdanyna qaraıtyn bette», dep qolyn shyǵysqa qarata shoshaıtpasy bar ma. Shoqańdap kele jatyp baıqamappyz, shynynda, joldyń oıqy-shoıqy bóligi Sarysý jaq bette eken.
Mundaı uıalmaspyz. Uıalǵan tek tura ma? Oılandyq. Oılanyp edik, respýblıka, oblys bıýdjetterinen jol jóndeýge jyl saıyn qyrýar qarjy bólinetini eske tústi. Onyń kólemin aıtyp, aýyz aýyrtýdyń qajeti joq. Isine usynyqty ákimder, mine, osy qyrýar qarjy jolǵa ketip jatyr ma, joq, álde «solǵa» ketip jatyr ma dep, atqarylyp jatqan iske óte ýaqap bolýy kerek edi. Biraq baıqanymyz, Sarysý aýdanynyń burynǵy-sońǵy ákimderine báribir bolǵan sııaqty. «Burynǵy-sońǵy ákimderi» deýimizdiń de syry joq emes. О́ıtkeni, bul aýdanǵa ákim qutaımaıdy. Ári ketse bir jyl isteıdi. Sheneýnikter «shejiresine» úńilsek, kezinde bir aı istep, «rekord jańartqandary» da bolǵan eken. «Oıpyr-aı, – deısiń sodan soń, – bir jylǵa qoıan terisi de shydaýshy edi, sonda mynalardyń qaýqary qoıannyń terisi ǵurly bolmaǵany ma?». Bir qyzyǵy, ákimderi jıi «jańarǵanymen» Saýdakent pen Sholaqqorǵannyń arasyndaǵy kedir-budyr jol jóndelmeı-aq qoıdy.
Jaqynda oblys ákimi Qanat Bozymbev Sarysý aýdanyna jas kelse – iske dep, Qanatbek Mádibek degen azamatty ákimdikke taǵaıyndady. Jańa ákim burynǵy ákimderdiń isine jaýap bermese de, endi Saýdakentten ary qaraıǵy shoqalaqty taqtaıdaı tegis jolǵa aınaldyratyn shyǵar dep oılaımyz.
Al biz ahylap-úhilep sharshap kelgen oqyrmanymyzdyń sózine kúmán keltirmeıtinimizdi, sebebi jaqynda ózimiz de sol jolmen qınala-qınala júrip ótkenimizdi aıtyp, shyǵaryp saldyq.
Kósemáli SÁTTIBAIULY,
«Egemen Qazaqstan».
Jambyl oblysy,
Sarysý aýdany.
