“QYZ JIBEK” BAIQAÝY О́TTI

L.N.Gýmılev atyndaǵy Eýrazııa ulttyq ýnıversıtetinde “Qyz Jibek” arýlar baıqaýy ótti. Baıqaý aldynda ýnıversıtet rektory Baqytjan Ábdiraıym “Ardaqty ana” baıqaýynyń je­ńim­pazdaryna baǵaly syı­lyq­tar tapsyrdy. Al qyzyqty ótken “Qyz Jibek” saıysynda qyzdar ózderin tanystyrý, suraq-jaýap, óristi óner, ulttyq kıim úlgileri bo­ıynsha básekege tústi. 14 qyz­dyń arasynan ulttyq qun­dy­lyq­tarymyzdy qaıta jańǵyrtyp, til men dildiń jaqsy úlgilerin kór­setken fılologııa fakýltetiniń bi­rinshi kýrs stýdenti Aıym Meı­ramova bas júldeni alsa, birinshi dárejeli dıplomdy jara­ty­lys­taný ǵylymdary fakýltetiniń tórtinshi kýrs stýdenti Gúljaınar Kereeva, ekinshi dárejeli dı­plomdy ekonomıka fakýl­tetiniń birinshi kýrs stýdenti Qundyz Amandosova, úshinshi dárejeli dı­plomdy ınjenerlik jáne qu­rylys fakýltetiniń úshinshi kýrs stý­denti Indıra Sanǵulova ıelendi. Baıqaý Nurǵısa Tilendıevtiń “Aqqýymen” ashylyp, ol Yby­raıdyń “Gákkýine” jalǵassa, ara-ara­synda “Dala sazy” stýdentter an­sambli, “Samuryq” bı, “Eýrazııa áýenderi” toptary áserli án-kúı­men, ádemi bımen jıylǵan jurtty tánti etti. Osy arada oıymyzǵa oralǵan myna bir nárseni de aıta ketsek deımiz. О́tken ǵasyrdyń jetpisinshi jyldary Almatyda burynǵy polıtehnıkalyq ıns­tı­týtynda “Dosmuqasan”, Qyzdar pedagogıkalyq ınstıtýtynda “Aıgúl” ansamblderi qurylyp, jastardyń súıikti óner ujymyna aın­alyp edi. “Dosmuqasan” an­samblin qurǵan azamattardyń qatary jyl sanap azaıyp bara jatsa da, onyń abyroıy qazirdiń ózinde bir mysqal tómendegen joq. El astanasyndaǵy joǵary oqý oryn­darynan sondaı ansamblder boı kóterip jatsa, ulttyq ónerdiń jańǵyrýymen qatar, jastardyń ara­synda serpilis týǵyzar edi. Baı­qaýdan baıqaǵanymyz, talant­ty jastar barshylyq eken. Solar­dyń basyn biriktirip, ulttyq óner­ge baýlysaq, táýelsiz mem­le­ke­timizdiń búgingi jastary da al­dyń­ǵy aǵalary men apalarynyń dás­túrin ushtaýdan qashpaıtyny anyq. Súleımen MÁMET.