YNTYMAQTASTYQ JО́NINDEGI MEMORANDÝM

Jetisý jurtshylyǵynyń “kógildir otyn” ıgiligin paıdalanýy sheshimin taýyp, qazirgi kezde Ile, Talǵar, Qara­saı, Jambyl aýdandaryna qarasty 33 eldi meken tabıǵı gazdy paıdalanyp otyr. Igilikti isti odan ári jal­ǵastyrý maqsatynda osydan biraz jyl buryn bastalǵan oblys ákimdigi men “QazTransGaz” AQ arasynda óńirdi gazdandyrýǵa baılanysty ózara yntymaqtastyq jónindegi memorandýmǵa qol qoıylyp, 1,5 mlrd. teńgeden astam qarjy ıgerilgen eken. О́tken jyly jalpy uzyndyǵy 1300 shaqyrym bolatyn “Qazaqstan-Qytaı” halyqaralyq gaz qubyrynyń oblys aýmaǵy arqyly 450 shaqyrymynyń ótýi nátıjesinde gazdandyrý deńgeıi edáýir artyp, Eńbekshiqazaq, Uıǵyr, Panfılov aýdandarynyń turǵyndaryna “kógildir otyn” jetkizý jumysy bastaldy. Aǵymdaǵy jyly “QazTrans­Gaz” eldi mekenderdi gazdandyrýǵa 650 mln. teńge bóletin bolyp otyr. Osyǵan baılanysty oblys ákimi Serik Úmbetov pen joǵarydaǵy aksıonerlik qoǵam dırektory Serik Sultanǵalıev osy jumystardyń tııanaǵyn kelti­rýdegi ózara yntymaqtastyq jónindegi kezekti memoran­dýmǵa qol qoıyp, eki jaqqa tıimdi sharaǵa degen senimdi bekite tústi. –Qoǵamnyń damýy halyqtyń áleýmettik-turmystyq jaǵdaıyn jaqsartý, jeńildetýmen ólshenedi. Búgin óńir halqy úshin este qalatyn kún. Budan tórt jyl buryn Almaty oblysyndaǵy tabıǵı gazdy tutyný 5 paıyzdy ǵana qamtysa, sońǵy jyldary ol edáýir kóterildi. Aǵymdaǵy jyly Taldyqorǵan qalasy men aımaqty gazdandyrýdyń tehnıkalyq-ekonomıkalyq negizdemesi jasalady. Búgin aksıonerlik qoǵam basshysymen aldaǵy atqarylatyn jumystarǵa oraı memorandýmǵa qol qoıyldy, dedi oblys ákimi Serik Úmbetov jınalǵandar aldynda. Memorandýmda aldyn ala esepteý boıynsha dıametri 500 mm. bolatyn “Almaty-Taldyqorǵan” magıstraldy gaz qubyry 225 shaqyrymǵa sozylatyny jáne 25,0 mlrd. teńgege jýyq qarajat salýdy qajet etetini de sóz boldy. Bul jylyna Taldyqorǵan óńirine 500 mln. tekshe metr gaz tasymaldanatynyn kórsetedi. Demek, qalalyqtardyń da suranysy qanaǵattandyrylatyn kún jaqyn. Kúmisjan BAIJAN, Almaty oblysy.