«Astana qyrany» atanǵan Ǵanı Seıdildaev

Sársenbi, 11 shilde 2012 7:16

8 shildede Astanada qala ákimdigi men Týrızm, dene tárbıesi jáne sport basqarmasynyń uıymdastyrýymen qazaq kúresinen «Astana qyrany» jarysy ótti.

Osy kúnderi qyrkúıekte jalaýyn kóteretin «Qazaqstan barysy» týrnıriniń irikteý jarystary óńirlerde eki aıdan beri jalǵasyp kele jatqany belgili. Jeksenbi kúni Astanada Balýan Sholaq balýannyń izin basqan  astanalyqtar arasynda ótken básekege  78 balýan qatysyp, solardyń 32-si túıe balýandardyń saıysyna jetti.

Sársenbi, 11 shilde 2012 7:16

8 shildede Astanada qala ákimdigi men Týrızm, dene tárbıesi jáne sport basqarmasynyń uıymdastyrýymen qazaq kúresinen «Astana qyrany» jarysy ótti.

Osy kúnderi qyrkúıekte jalaýyn kóteretin «Qazaqstan barysy» týrnıriniń irikteý jarystary óńirlerde eki aıdan beri jalǵasyp kele jatqany belgili. Jeksenbi kúni Astanada Balýan Sholaq balýannyń izin basqan  astanalyqtar arasynda ótken básekege  78 balýan qatysyp, solardyń 32-si túıe balýandardyń saıysyna jetti.

Jarystyń ashylý saltanatyna ulttyq sporttyń janashyrlary – Sport jáne dene tárbıesi isteri agenttigi tóraǵasynyń orynbasary Elsııar Qanaǵatov, «KTK» tele­ar­nasynyń bas dı­rek­tory, «Qazaq­stan barysy» jarysy ıdeıasynyń avtory Arman Shoraev pen qala­lyq Týrızm, dene tárbıesi jáne sport basqar­masynyń bastyǵy Aıtalap Qorǵambaev qatysty.

Resmı bóliminen keıin jarys bastalyp ta ketti. Aldymen 1/16 saıystary ótti.  Sportshylar óz qarsylastaryn jerebe boıynsha anyqtady. Túıe balýandardyń sa­ıysyn bastaǵan Qazaqstan Respýb­lıkasyna eńbek sińirgen sport sheberi, Azııa chempıony, eki dúrkin álem chempıony Ǵanı Seıdildaev alǵashqy kezeńin Áli­bek Baısenovpen ótkizip, ony 19-shy sekýndta-aq taza jeńdi. Al ekinshi aýyr salmaqtaǵy balýan Qazaqstan Respýblıkasynyń sport sheberi, Qazaqstan men Azııa chempıony atanǵan Darhan Bı­janov alǵashqy kezdesýinde jambas upaımen je­ńiske jetti.  Shırek fınalda Ǵanı Seıdildaev Tólegen Jetpispaev­pen boz ki­lem­de 23 sekýnd qana ótkizip, birinshi qoldanǵan ádisten keıin taza jeńse, jarystyń bul keze­ńin Darhan Bıjanov ta ýaqy­ty­nan buryn ozyp, 1/2 fınalǵa joldama aldy.

1/4 fınalǵa jetken tórt jup­tyń ishinde saıystyń eń jas qa­tysý­shylary da bir-birimen kez­desti. 20-jasar Aıbat Seıten (la­qap aty – «Qypshaq») 18 jasar Álibek Zekenovpen (laqap aty – «Temesh») beldesip, jambas ádisi­men jeńgen Álibek jartylaı fı­nalǵa shyqty. Munda jas jigit tá­jirıbeli Darhan Bıjanovtan uty­lyp, qola júldege ıe boldy. Ǵanı Seıdil­daev bolsa, fınalǵa shyǵý úshin Azat Kenjebekovti taza jeńdi.

Sonymen, eki dos balýan qaı­ta fınalda kezdesti. Ǵanı da, Darhan da ózine bir-bir upaıdan tek negizgi ýaqyttyń aıaqtalýyna jarty mınýt qalǵanda ǵana qosa aldy. Qosymsha ýaqyttaǵy beldesýde jeńiske jetip, «Astana qyrany» ataǵyna balýan Ǵanı Seıdildaev ıe boldy.

Jeńimpazdardyń barlyǵyna qo­maqty qarjylaı syıaqy tartyldy. «Jaý júrek» laqap atyn ja­mylǵan Ǵanıǵa 1 mıllıon teń­ge be­rilip, ıyǵyna altynmen qap­talǵan shapan jabylyp, «Altyn belbeý» taǵyldy. Ekinshi oryndy ıelengen «Erke bala» Darhan Bıjanovqa 300 myń teńge qarjy­laı syıaqy berilip, kúmispen qaptalǵan shapan kıgizildi. Osy eki balýan endi qyrkúıekte Astanada jalaýyn kóteretin «Qazaq­stan barysy» dúbirli dodasynda elordanyń namysyn qorǵamaq­shy. Úshinshi orynǵa ıe bolǵan Azat Kenjebekov pen Álibek Ze­ke­novke árqaısysyna dıplom men 100 myń teńgeden syıaqy berildi.

– Fınalda qarsylasym Darhandy jaqsy tanımyn, birge jat­ty­ǵyp, bir-birimizdiń qylyqta­ry­myz­dy áb­den bilemiz, – dedi jarystan keıin «As­tana qyrany» Ǵanı Seı­dildaev. – Sondyqtan bolar, saıysty qo­sym­sha ýaqyt­qa deıin jet­kiz­genbiz. Bu­ǵan de­ıingi qarsy­lasta­rymnan ońaı ótsem, fınalda, árıne, qıyndaý boldy. Qarsyla­sym óte myqty balýan. Qazir je­ńisime óte qýanyshty­myn. Qa­zaq­tyń tól sportyn qoldap, jarysty joǵary dáre­jede ótkizgen uıym­das­­tyrýshyla­rǵa – qalalyq sport basqarma­myzǵa al­ǵysymdy bil­dirgim kelip otyr. Endi, «Qazaq­stan barysy» jarysyna daıyndalamyz.

Jarys kórermenderdiń kóńil­derinen de shyqty. Tartysty beldesýlerdi tamashalaǵan asta­na­lyq­tar men qala qonaqtary uıymdastyrýshylar bekitken utys oıynyna da qatysyp, kóbi úılerine baǵaly syılyqtarmen qaıtty. Uıaly telefondar, shań­sorǵyshtar, mıkrotolqyndy peshter, JK-teledıdar, tońazytqysh, velosıpedter oınatyldy.

Elimiz úzdik balýandarynyń basyn qosatyn «Qazaqstan barysy» jarysy Astana qalasynda qyrkúıek aıynda ótpek.