«Ordabasy» men «Aqtóbe» – kelesi aınalymda

Senbi, 14 shilde 2012 6:36

Beısenbi kúni Eýropa lıgasynyń alǵashqy qarymta kezdesýlerin ótkizgen «Ordabasy» men «Aqtóbe» komandalary kelesi aınalymǵa joldama aldy. Al byltyrǵy el chempıony  «Jetisý» óz alańynda Polshanyń «Leh» komandasymen teń oınap, ekinshi kezeńge shyǵý múmkindiginen aıyryldy.

Senbi, 14 shilde 2012 6:36

Beısenbi kúni Eýropa lıgasynyń alǵashqy qarymta kezdesýlerin ótkizgen «Ordabasy» men «Aqtóbe» komandalary kelesi aınalymǵa joldama aldy. Al byltyrǵy el chempıony  «Jetisý» óz alańynda Polshanyń «Leh» komandasymen teń oınap, ekinshi kezeńge shyǵý múmkindiginen aıyryldy.

Sóıtip, Eýropa lıgasynyń irikteý týrnıriniń alǵashqy keze­ńine qatysqan úsh qazaq­standyq ujymnyń ekeýi jarysty jal­ǵastyrýǵa múmkindik aldy. «Aq­tóbe» komandasynyń buryn­nan beri Eýropa tórinde jeıde tozdyryp júrgenin bi­lemiz. Al Shym­kenttiń «Ordabasy» klýby tuń­ǵysh ret óz tarıhynda ekinshi kezeńge joldama alyp otyr. Bul – Ońtústiktiń komandasy úshin úlken jetistik. Jetistik bolǵanda, ony shym­kent­tik ujymnyń she­jiresine jazylatyn, Eýropa alań­daryndaǵy jeńisti kúnderiniń basy bolsyn dep tileıik!

Endi kelesi aınalymǵa shyq­qan qos komandanyń keshegi oıynyna kelsek,shynyn aıtý kerek, shymkenttik komandaǵa Serbııa­nyń «Iаgodınasy» asa myqty qarsylas bolǵan joq. Eki oıyn-da «Ordabasynyń» basymdy­ǵy­men ótti. Bi­rinshisinde jeńse, ekinshi matchta esep ashylǵan joq.  Senegal­dyq Mansýr Gýıe, Ońtús­tiktiń bas shabýylshysy Dáý­renbek Tájimbetov qaqpashymen betpe-bet kelip, dopty soǵa almaı, múmkindikterin bosqa ji­berdi. Al «Ordabasynyń» qaq­pashysy Almat Bekbaev jarady. О́tken joly Qyrǵyzstanmen bol­ǵan joldas­tyq kezdesýde bolmashy jerden eki gol jibergen Bekbaev bul joly birneshe dopty qaı­taryp, jaqsy óner kórsetti.

Endi «Ordabasy» Norvegııa­nyń «Rýsenborg», Sol­tústik Ir­lan­dııa­nyń «Krýzeıders» ko­man­dalary­nyń arasyn­daǵy kezde­sýdiń jeńim­pazymen kúsh synasady. Alǵashqy matchyn «Ordabasy» 19 shilde kúni syrt alańda, al qarymta kezdesýin 26 shilde kúni alǵashqy úıdegi oıyny sekildi Almatyda ótkizedi.

«Aqtóbe» men Kýtaısıdiń «Torpedosy» arasynda ótken oıynda otandastarymyz 1:0  ese­bi­men jeńiske jetti. Goldyń avtory birinshi oıynda syrt alańda mergendik tanytqan – Marat Bıkmaev. Bul oıynda Lýkash Baıer, Samat Sy­maqov, Marat Haırýllın, Tımýr Kapadze, Emıl Kenjesarıev, Sergeı Logvınenkolar qar­sylas­tar qaqpasyna tynym bermeı, bir emes, birneshe dop soǵýǵa múm­kindikteri boldy. Alaıda, kezdesý osylaısha sál ǵana basym­dyqpen aıaqtaldy.

Ekinshi irikteý kezeńinde «Aq­­tóbe» moldovalyq «Mılsamı» komandasymen kezde­se­di. Bul oıyndar da 19 jáne 26 shilde kúnderi ótedi. «Aq­tóbe» de al­ǵash­qy kezdesýin «Ordabasy» sııaqty syrt alań­da ót­kizedi.

Al Taldyqorǵannyń «Je­tisý» komandasy Eýropa lıga­synyń irikteý kezeńin aıaqtady. Beısenbi kúni óz alańynda Pol­­shanyń «Leh» klýbymen kez­desken je­tisý­lyqtar 1:1 ese­bimen teń oınap, kelesi aı­na­lymǵa shyǵý múmkindiginen aıyryldy. Bul eki ujymnyń arasynda ótken birinshi match 2:0 esebimen po­lıaktardyń paıdasyna sheshilgen bolatyn.

Dastan KENJALIN,

«Egemen Qazaqstan».