AQPARATTYQ TOPTYŃ AQJOLTAI SAPARY

Aqmola óńirine Elbasy Nursultan Nazarbaevtyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty el halqyna Joldaýynyń negizgi qaǵıdattaryn nasıhattaý jáne túsindirý jónindegi respýblıkalyq aqparattyq-nasıhat tobynyń músheleri keldi. Ishki ister mınıstri, top jetekshisi Serik Baımaǵambetov, onyń saparlastary – Týrızm jáne sport vıse-mınıstri Qaıyrbek О́skenbaev, “Uıǵyrlardyń respýblıkalyq mádenı ortalyǵy” qoǵamdyq birlestiginiń tóraǵasy Ahmedjan Shardınov óńir turǵyndarymen, memlekettik jáne qoǵamdyq uıymdar ókilderimen, stýdent jastarmen tanymdyq kezdesýler ótkizip, jurtshylyqty ótinishteri boıynsha qabyldady. KО́KShETAÝ. Aldymen Shortandy aýdandyq ishki ister bóliminde bolǵan S.Baımaǵambetov oblys ortalyǵyndaǵy ýchaskelik ınspektorlardyń bazalyq tirek pýnktteriniń, jedel basqarý jáne kınologııalyq ortalyqtarynyń jumys­tary­men tanysty. Odan keıin oblystyq ishki ister departamentiniń qurylym bas­shylarymen keńeıtilgen májilis ót­kizildi. Mınıstr oblystyq departament bastyǵy, polısııa polkovnıgi Tilegen Mátkenovtiń Elbasy Joldaýyndaǵy tap­syrmalardy júzege asyrýǵa baıla­nysty qolǵa alynǵan sharalar týraly esebin tyńdady. Joldaýdyń aıryqsha mańyzdy jáne reformalyq sıpaty barlyǵyn atap kór­setken respýblıkalyq toptyń jetekshisi S.Baımaǵambetov quqyq qorǵaý organ­dary­na qatań talaptar qoıylatynyn eske saldy. Ishki ister qurylymdary qyzmetindegi móldirlik pen baqylaýdyń joqtyǵynan kóp máseleler týyndaýda. Adam quqyǵy men memleket múddesiniń qatar qorǵalýy qajet. Adamdarǵa ja­qyndaý – senim qalyptastyrýdyń týra joly. Qylmys ataýlymen jumyla kú­resý, qoǵamdyq kúshterdi tıimdi paıda­laný, olarǵa kómek-qoldaý kórsetý únemi nazarda ustalatyn bolady. S.Baıma­ǵam­betov quqyqtyq reformanyń bir salasy – medısınalyq aıyqtyrǵysh, kámelet­ke tolmaǵandardy ýaqytsha oqshaýlaý sııaqty qurylymdardyń ákimshilik quzyretin ózgertý ekendigine toqtaldy. Endigi jerde olar Densaýlyq saqtaý, Bilim jáne ǵylym mınıstrlikteriniń qaraýyna kóshýi tıis. STEPNOGOR. Týrızm jáne sport vıse-mınıstri Qaıyrbek О́skenbaev Kókshetaýdaǵy “Nur Otan” HDP ǵıma­ratynda, Sh.Ýálıhanov atyndaǵy mem­lekettik ýnıversıtette, “Býrabaı” sport saraıy ujymynda kezdesý ótkizgen soń Stepnogor qalasynda boldy. Aqparattyq top múshesi osyndaǵy “Pod­shıpnık zaýyty” AQ-tyń óndi­ristik qyzmetimen tanysyp, jumysshy-qyzmetshiler aldynda Elbasy Jol­daýynan týyndaıtyn mindetter týraly sóz sóıledi. Halyqaralyq sapa jáne menedjment júıesimen jumys isteıtin kásiporyn Eýropa podshıpnık korpo­ra­sııasynyń (EPK) quramyna engen. Munda temir jol salasyna qajetti pod­shıp­nıktiń 12 túri, qosalqy bólshek­terdiń 154 túri daıyndalady. Elbasy Joldaýynda atap kórsetilgenindeı, zaýyt jańa jobalardy tabysty ıgerýde. Máselen, ujym radıaldyq podshıp­nık­ter daıyndaýǵa baǵyttalǵan ınvestı­sııa­lyq jobany tolyq aıaqtaý arqyly qazirdiń ózinde áriptesterine 150 mıl­lıon teńgeniń 13 túrli ónimin jóneltti. “Altyn sapa” belgisiniń ıegerleri Joldaý talaptaryna saı izdenisti óristete beretinine sendirdi. Bógenbaı batyr atyndaǵy sportta daryndy balalardyń oblystyq mektep-ınternaty qonaqty qushaq jaıa qarsy aldy. Vıse-mınıstr bilikti maman Abaı Temirbaevtyń basshylyǵyndaǵy ujym­nyń tabystaryna rızalyq bildirdi. Mektep ózi qurylǵan 10 jyl ishinde sporttyń olımpıadalyq on túriniń qanat jaıýyna múmkindik ashyp otyr. Qol jetken nátıjeler de kóńil ósi­rerlikteı. Áńgimeni uzartpaı, mynadaı ádemi bir kórinisti sizderge jetkizgimiz keledi. Qaıyrbek Aıtbaıulyn Beıjiń Olımpıadasynyń kúmis júldegeri, “Parasat” ordeniniń ıegeri Irına Nekrasova jórgektegi bóbegi Nazarmen birge qarsy aldy. Joǵary dárejeli sport sheneýnigi bolashaq olımpıa­da­shyǵa batasyn berip, kórimdik retinde syı-saýǵa usyndy. Májilishanada Elbasynyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” Joldaýyn talqylaǵan keńes boldy. Onda qazaq tili pániniń muǵalimi Aıkerim Aıqojına, tárbıeshi Qarlyǵash Arhı­pova, dáriger Elena Devochkına óz pikirlerin bildirdi. ATBASAR. Respýblıkalyq aqparat­tyq-nasıhattyq toptyń múshesi, “Uıǵyr­lar­dyń respýblıkalyq mádenı orta­lyǵy” qoǵamdyq birlestiginiń tóraǵasy Ahmetjan Shardınov aýdandaǵy birqatar óndiristik jáne áleýmettik nysandardy aralap, Makeev, Novoselsk, Sochın aýyldyq okrýgteriniń turǵyndarymen júzdesti. Aýdan aktıviniń jınalysyna qa­tysqan A.Shardınov memleketimizdiń taıaý onjyldyqtaǵy damý baǵyttaryn aıqyndaǵan Joldaýdyń máni men mańyzy jóninde tııanaqty túsinik berdi. “Elimizde álemdik qarjy daǵdarysynan shyǵý ǵana emes, daǵdarystan keıingi ulan-ǵaıyr ister keshenin júzege asyrý mindeti qoıylyp otyr. Munda Qazaqstan halqynyń birligi men tutastyǵy, el ishindegi jarastyq pen turaqtylyq she­shýshi tutqa bolatyny aıqyn. Sizderdiń kóp etnosty aýdandaryńyzda ózara túsi­nistiktiń úlgi alar tájirıbesi qalyp­tasqan eken. Jolymyz árdaıym oń bolsyn”, – dedi ol. Indýstrııa jáne saýda mınıstrli­gi­niń jergilikti qurylym jáne tehnıkalyq saıasat departamenti dırektorynyń oryn­­basary Serik Raqymov, Atbasar aýda­nynyń ákimi Rýslan Áýbákirov, jón­­deý-mehanıkalyq zaýytynyń dırek­to­ry Saǵat Raqyshev otandyq taýar ón­di­rýdi molaıtý, kásipkerlikti qoldaý, Ke­dendik odaq týraly pikirlerimen bólisti. Respýblıkalyq aqparattyq-nasıhat tobynyń ózge de músheleri oblystyń barlyq aýdandarynda kezdesýler ótkizdi. Baqbergen AMALBEK. Aqmola oblysy.