Merekelik keshte Qazaqstan Respýblıkasy Bilim jáne Ǵylym Mınıstrligine qarasty Ulttyq ǵylymı-praktıkalyq Dene tárbıesi ortalyǵynyń bas dırektory , QR qurmetti sport qaıratkeri, sport sheberi, halyqaralyq dárejedegi tóreshi Sadyq Mustafaev qatysýshylardy quttyqtap, osy salada úlken tabystarǵa jetýlerine tilek bildirdi. Sonymen qatar, QR BǴM Mektepke deıingi jáne orta bilim departamenti, Tárbıe jumysy jáne qosymsha bilim basqarmasynyń bas sarapshysy Stella Ibraeva, QR «Mektep sport federesııasynyń» tóraǵasy, Qazaqstan Respýblıkasy Prezıdenti janyndaǵy «Jastar saıasat» keńesiniń múshesi, halyqaralyq dárejedegi tóreshi Nurjan Nurahmetov, «Baldaýren» respýblıkalyq oqý-saýyqtyrý ortalyǵynyń bas dırektorynyń oqý tárbıe- isi jónindegi orynbasary, Bilim berý magıstri Jangeldi Ámirǵalıev, Almaty oblysy Bilim basqarmasynyń «Dene shynyqtyrý sport, alǵashqy áskerı daıyndyq jáne qosymsha bilim berýdegi ǵylymı-tájirıbelik ortalyǵynyń» dırektory Doset Baıdildın is-sharaǵa belsene aralasqan uıymdastyrýshylardy, nomınanttar men júldegerlerdi marapattady.
«Úzdik dene shynyqtyrý muǵalimi -2019» baıqaýynyń jeńimpazy Batys Qazaqstan oblysy, Shyńǵyrlaý aýdanynyń A.Tıhonenko atyndaǵy mekteptiń muǵalimi Abzal Naýryzbaev atansa, Dımıtrıı Voronko (Jambyl oblysy), Nursultan Kóben (Mańǵystaý oblysy) jáne Samǵat Esqarın (Aqtóbe oblysy) júldegerler sanatyna qosyldy.
Túrli atalymdar boıynsha myna ustazdar jeńimpaz atandy:
1. «Jańashyl muǵalim» - Asqar Zabenov (Nur-Sultan qalasy, №70 mektep-lıseı)
2. «Kreatıvti muǵalim» - Nádıra Ospangojanova (Almaty qalasy. №131mektep-lıseı)
3. «Dene shynyqtyrý pániniń sheberi» - Aıdyn Túsipbekov (Qapshaǵaı qalasy)
4. «Belsendi sport uıymdastyrýshysy» - Jandos Qalıuly (Petropavl qalasy, № 6
orta mektep)
