Otyzdan astam eldiń gımnasshylary qatysqan dodada Danıl Musabaev pen shymkenttik Pırmammad Alıev juby mánerlep sekirý boıynsha AQSh pen Japonııanyń myqty gımnasshylaryn artqa qaldyryp, júldeli úshinshi oryn bıiginen kórindi.
– Munyń bári bapkerler qoldanǵan tyń ádistiń jemisi. Negizi, bizdiń sportshylar jeke-jeke emes, birge jattyǵýy tıis bolatyn. Soǵan qaramastan olar jıyndaǵy birer aptanyń ishinde ǵana birge jattyǵyp, jarysta jaqsy nátıjege qol jetkizip otyr, deıdi Qaraǵandy oblystyq gımnastıka sport mektebiniń dırektory Oljas Tursynbekov.
Eske salsaq, osy mekteptiń túlekteri Anastasııa Dolgonıýk pen Nıkıta Amoskın juby da jaqynda sporttyq gımnastıkadan ótken Álem kýbogy synynda qola júldeger atanǵan bolatyn.
