Úsh boıy Elbasynyń «Bolashaqqa baǵdar: qoǵamdyq sanany jańǵyrtý» baǵdarlamalyq maqalasy aıasynda qazaq tarıhy men mádenıeti jaıly súbeli sóz qozǵalatyn konferensııaǵa Fransııa, Armenııa, Qyrǵyzstan, Polsha sııaqty birqatar elden ǵalymdar keldi. Halyqaralyq sharany elimizdiń Mádenıet jáne sport mınıstrliginiń qoldaýymen «Rýhanı jańǵyrý» ortalyq jobalyq keńsesi jáne Almaty oblysynyń ishki saıasat basqarmasy uıymdastyryp otyr.
- Bul konferensııa barysynda jahandyq álemdegi mádenı, kórkem, ádebı, oryndaýshylyq ónerdiń úzdik úlgilerin tanymal etýdiń jáne ortalyq jáne jergilikti deńgeıde mádenı-demalys salasyn uıymdastyrýdyń negizgi tendensııalary men úzdik álemdik tájirıbelerin talqylaıdy, dedi búgin sharanyń ashylýyna qatysyp, sóz sóılegen oblys ákiminiń birinshi orynbasary Lázzat Turlashov.
Konferensııa jumysyna Sorbonn ýnıversıtetiniń professory, Halyqaralyq ǵylym jáne óner ınstıtýtynyń dırektory, «Plastik Art & Science» Sorbonn baspa baǵdarlamasynyń dırektory Olga Kısseleva, akter, Halyqaralyq «HIGHFEST» óner festıvaliniń prezıdenti, Metropolıtan London ýnıversıtetiniń professory, doktor Artýr Gýkasıan Qazaqstan men Qyrǵyzstandaǵy mádenıet jáne yntymaqtastyq máseleleri boıynsha Fransııa Elshiliginiń keńesshisi Gııom Kasperskıı, Belorýs memlekettik mádenıet jáne óner ýnıversıtetiniń psıhologııa jáne pedagogıka kafedrasynyń meńgerýshisi, pedagogıka ǵylymdarynyń doktory, Germanııadaǵy MAGO bilim berýdi izgilendirý halyqaralyq akademııasynyń tolyq múshesi Irına Malahova, dramatýrg, teatr synshysy, «Thaetr - Dialogue» festıvaliniń art - dırektory, «Nova Scena» klasteriniń negizin qalaýshy Tomash Kırenchýk spıkerlik etpekshi. Sondaı-aq, qatysýshylar arasynda elimizdiń qoǵamdyq jáne ǵylymı-zertteý uıymdarynyń, shyǵarmashylyq jáne ǵylymı ıntellıgensııanyń ókilderi, Prezıdent ákimshiliginiń, mınıstrlikterdiń, «Rýhanı jańǵyrý» jobalaý keńseleriniń jaýapty qyzmetkerleri qatysýda.
