Osy oraıda, «Nur Otan» partııasy Jambyl oblystyq fılıalynyń ǵımaratynda «Halyqqa kómek» biryńǵaı áleýmettik tereze partııalyq jobasy aıasynda qoǵamdyq qabyldaý ótti. Azamattardyń kúndelikti máselelerin sheshýge kómek kórsetýdi jáne halyqtyń barlyq toptarynyń múddelerin qoldaýdy maqsat etken jobaǵa túrli máseleler boıynsha birqatar óńir turǵyndary qatysyp, kókeılerindegi saýaldaryn joldady.
Qoǵamdyq qabyldaýdy partııa oblystyq jáne Taraz qalalyq máslıhatyndaǵy depýtattyq fraksııasynyń músheleri Gúldara Nurymova, Baqytjan Seıitkárimov, Gýlam Ýmarov, Iýrıı Mınakov jáne Janar Búrkitbaevalar júrgizdi. Qabyldaýǵa 25 azamat kelip, olarǵa bergen saýaldaryna baılanysty sheshilý joldary túsindirildi. Nátıjesinde 2 ótinish oń sheshimin taýyp, joba boıynsha 3 naqty mindet aıqyndaldy. Negizinen azamattyq alý, jumysqa ornalasý sııaqty máselelermen kelgen turǵyndardyń máselesi qoǵamdyq qabyldaý barysynda oń sheshimin tapty. Sonymen qatar, birqatar turǵyndar balalaryn balabaqshaǵa ornalastyrý máselesi boıynsha da naqty nátıjege qol jetkizdi. Al, qabyldaýdy ótkizýshiler halyqpen tıimdi tyǵyz baılanys qalyptastyrý arqyly azamattardyń túrli máselelerin sheshýge qoǵamnyń belsendi bóligin tartý kózdelýde ekenin de aıtty.
Jambyl oblysy
