Syrtqy ister mınıstriniń arnaıy ókili Qaırat Lama-Sharıf IYU halyqaralyq deńgeıde Qazaqstannyń bastamalaryn qoldaýdy jalǵastyryp, olardyń sátti júzege asyrylýyna óz úlesin qosyp kele jatqanyn atap ótti.
Atap aıtqanda, Azııadaǵy ózara is-qımyl jáne senim sharalary jónindegi keńes pen Álemdik jáne dástúrli dinder kóshbasshylarynyń sezin shaqyrý jónindegi bastamalar Uıymnyń jyl saıynǵy qujattarynda kórinis tabady. IYU Qazaqstannyń «Shyǵys – Batys» júlgesi boıynsha qarym-qatynasta ózindik kópir qyzmetin atqaratyn órkenıetaralyq jáne dinaralyq dıalogty damytý salasyndaǵy mańyzdy úılestirýshilik rólin moıyndaıdy.
«Bizdiń elimiz IYU-nyń halyqaralyq arenadaǵy rólin kúsheıtýge, Uıymnyń Eýropalyq Odaqpen, Eýropadaǵy qaýipsizdik jáne yntymaqtastyq uıymymen, Shanhaı Yntymaqtastyq Uıymymen, G-20-men qarym-qatynastaryn nyǵaıtýdy, saılaý kezinde qatysý, qadaǵalaý tájirıbesi men múmkindigin keńeıte bergendi qoldaıdy» , -dep atap ótti Qaırat Lama –Sharıf.
QR syrtqy ister mınıstriniń arnaıy ókili, IYU –nyń 2018 jyly 5-6 mamyrda Dakka qalasynda ótken 45 sessııasynda qazaqstandyq dıplomat Asqar Mýsınovke Bas Hatshynyń ǵylym jáne tehnologııa salasy boıynsha orynbasary laýazymyna saılanýyna qoldaý bildirgeni úshin alǵysyn aıtty.
«Arab kóktemi» Taıaý Shyǵys elderiniń áleýmettik-ekonomıkasynyń jáne álemdik saıasatqa áser etti. Álem onyń keri zardabyn áli kúnge deıin sezip keledi. Álemdik qaýymdastyq barlyq múmkindikti jumyldyrsa da Sırııa máseleleri boıynsha teke-tiresti retteı almaı keledi.
Biz Lıvııa arasyndaǵy qarama-qarsylyqtyń órshýine úlken alańdaýshylyqpen qaraımyz. Biz Lıvııada beıbitshilik pen birlikke qol jetkize almaıtyndyǵyna tereń senimdimiz. Osyǵan baılanysty biz janjaldaýshy taraptarǵa áskerı áreketterdi toqtatýǵa jáne kelissózder ústeline otyrýǵa shaqyramyz. Sonymen birge biz IYU taraptardyń tatýlasýyna jáne Lıvııa aralyq qaqtyǵystardyń rettelýine barynsha belsendi qatysýǵa tıis dep sanaımyz», -dep atap Qaırat Lama –Sharıf.
Bul jıynǵa qatysýshylarynyń sózderinde Sırııadaǵy jaǵdaıdyń órshigýine alańdaýshylyqtary aıtylyp jatty. Túrki Keńesiniń Bas hatshysy Baǵdad Ámireev óz sózinde qazir bizge IYU –yn qaıta qurylymdaý kerektigin tilge tıek etip ótti. Sondaı-aq Túrki keńesiniń Bas hatshysynyi «uıymnyń mandatyn kúsheıtý kerek» degen usynysy jınalǵandar tarapynan qoldaý tapty. IKU Hatshylylyǵynyń qazirgi múmkindigi men ókilettiligi keıbir máselelerge aralasýǵa jáne sheshýge múmkindik bermeıdi eken. «Sondaı –aq ıslam radıkalızmi, ekstremıstik toptardyń uıymy IYU –nyń ımıdjine keri áser etedi» degen pikirler osy jıynda aıtyldy.
Qazaqstan IYU-ǵa múshe memleketterdi dıplomatııalyq mıssııalardyń, parlamentaralyq dıalogtardyń, úkimettik emes uıymdardyń áleýetin paıdalanyp, senim sharalaryn ázirleý arqyly ártúrli konsýltatıvtik tetikterdi qurý arqyly shıelenisti tómendetý jáne jınaqtalǵan máselelerdi sheshý jolymen osy bastamany is júzinde júzege asyrýǵa shaqyrady.
Semınar jumysy erteń de de jalǵasady
ALMATY
