«Dalalyq ashana» konkýrsynyń basty maqsaty halyqaralyq áskerı yntymaqtastyqty jáne áskerı-tehnıkalyq seriktestikti nyǵaıtý, áskerı qyzmettiń mártebesin ósirý, jaýyngerlik daıarlyqtaǵy básekelestikti arttyrý jáne áskerı-arnaıy tehnıkalardyń múmkindikterin kórsetý bolyp tabylady.
Konkýrs erejesi úsh kezeńge bólingen, birinshisi – «Atys daıarlyǵynan jarys», ekinshisi – «Azyq-túlik ónimderinen mázirge sáıkes taǵam men nan daıyndaý», al úshinshisi – «О́z qalaýy boıynsha berilgen azyq-túlik ónimderinen taǵam men nan daıyndaý». Birinshi kezeń barysynda áskerı aspazshylardyń mergendigi synalsa, kelesi kezeńderde olardyń birinshi, ekinshi jáne úshinshi tamaqtardyń, salqyn tiskebasardyń, nársýdyń reseptige oraı daıyndalýy,onyń sapasy baǵalandy. Aspazshylardyń mázirinde vınegret salaty, jazǵy salat, borsh, solıanka, kúrish botqasy bar qýyrylǵan gorbýshka, kartofel qosylǵan langet, múkjıdek morsy, qurǵaq jemisti kompot boldy. Sonymen qosa, áskerıler nan men nan-bólishke ónimderin bekitilgen reseptige saı daıyndady.
Tamaq jáne nan ónimderin ázirleý úshin áskerı aspazshylar men naýbaıshylar dalalyq jaǵdaıda PP-40 tasymaldaıtyn plıtasyn, KP-30 tasymaldanatyn ashanasyn, KP-130 prısepti ashanasyn jáne prısepti nan ázirleý bloktaryn qoldanady.
«Batys» óńirlik qolbasshylyǵy komandasynyń quramyna Aqtóbelik 30238 áskerı bólimi men Aqtaýdaǵy 75488 áskerı bóliminen 2 aspazshy pen 2 naýbaıshy kirdi. Búgingi kúni komanda músheleri Qarýly Kúshterdiń irikteý jarysyna qyzý daıyndalýda.
«Dalalyq ashana» halyqaralyq armııalyq oıyndardyń azyq-túlik qyzmeti mamandaryna arasynda ótkiziletin erekshe qyzyqty konkýrs bolyp tabylady. Atalmysh saıys Reseı Federasııasynyń Máskeý oblysy «Alabıno» polıgonynda ótedi, al saıystyń urany «Jaqsy aýqattansan – urysta jetistikke jetesin» sózi bolyp tabylady.
