22 sáýir kúni keshki saǵat 17.40 shamasynda «Altynkól» keden beketiniń shekara mańy halyqaralyq yntymaqtastyǵy ortalyǵynyń (MSPS) baqylaý-ótkizý pýnktinde kezekti kedendik tekserý barysynda keden qyzmetkerleri men Almaty oblystyq ekonomıkalyq qylmysqa qarsy kúres departamentiniń qyzmetkerleri birlese otyryp, RTÝ «Rapıskan» apparaty arqyly kedendik tekserýden jasyryp alyp ótpekshi bolǵan kontrafaktalyq, temeki ónimderine arnalǵan aksızdik markalardy ustady.
Aksızdik markalar Reseı Federasııasynda shyǵarylatyn temeki ónimderine arnalǵan. Ustalǵan taýardyń jalpy salmaǵy 185 kılogramm, sany – 1 920 000 dana bolyp shyqty.
Qazirgi ýaqytta tıisti prosessýaldyq sheshim shyǵarý maqsatynda ustalǵan taýardyń kedendik quny men oǵan kináli adamdardy anyqtaý sharalary qolǵa alyndy.
