Foto: Oqý-aǵartý mınıstrligi
Jańa bastama balalardyń demalysy, oqýy jáne saýyqtyrylýy úshin biryńǵaı talaptardy qalyptastyrýǵa baǵyttalǵan.
Uıymdarǵa túsetin ákimshilik júktemeni azaıtyp, qujattardy jyl saıyn qaıta rásimdeý qajettiligin boldyrmaý maqsatynda lısenzııanyń qoldanylý merzimi bes jyl bolyp belgilendi. Bul uıymdar qyzmetiniń turaqtylyǵyn qamtamasyz etip, memlekettik baqylaýdy júıeli júrgizýge múmkindik beredi.
Lısenzııalaý balalarǵa kórsetiletin bilim berý jáne saýyqtyrý qyzmetteriniń sapasyn arttyrýǵa, sondaı-aq qaýipsiz orta qalyptastyrýǵa baǵyttalǵan. Jańa talaptarǵa sáıkes balalar saýyqtyrý ortalyqtary ınfraqurylym, kadrlyq qamtamasyz etý, medısınalyq qyzmet kórsetý jáne qaýipsizdik baǵyttary boıynsha belgilengen standarttarǵa saı bolýǵa tıis.
Sonymen qatar jańa júıe talaptarǵa sáıkes kelmeıtin jáne qaýipsizdik talaptaryn saqtamaıtyn beıresmı uıymdardyń qyzmetin shekteýge múmkindik beredi. Nátıjesinde qyzmet sapasy artyp, uıymdardyń jaýapkershiligi kúsheıedi.
Balalar saýyqtyrý ortalyqtaryna qoıylatyn negizgi lısenzııalyq talaptar:
- bilim berý jáne saýyqtyrý baǵdarlamalarynyń bolýy;
- bilikti pedagogıkalyq jáne medısınalyq kadrlarmen qamtamasyz etilýi;
- sanıtarlyq-epıdemıologııalyq talaptardyń saqtalýy;
- qaýipsizdik júıeleriniń bolýy;
- materıaldyq-tehnıkalyq bazanyń belgilengen standarttarǵa sáıkestigi.
Jazǵy demalysty uıymdastyrý maqsatynda óńirlerde ákimdikter janynan vedomstvoaralyq shtabtar quryldy. Vedomstvoaralyq komıssııalar balalar saýyqtyrý ortalyqtarynyń maýsymǵa daıyndyǵyna aldyn ala baǵalaý júrgizip jatyr. Al Oqý-aǵartý mınıstrliginiń bilim berý salasyndaǵy sapany qamtamasyz etý departamentteri balalar saýyqtyrý-bilim berý ortalyqtarynyń ótinimderi negizinde lısenzııa rásimdep jatyr.
Jambyl oblysynda oqýshylarǵa arnalǵan eko-lager ashylýy múmkin
Qabyldanǵan sharalar balalardyń demalysy men saýyqtyrylýyn qaýipsiz ári sapaly uıymdastyrýǵa, sondaı-aq elimizde bilim berý-saýyqtyrý qyzmetteriniń biryńǵaı standartyn qalyptastyrýǵa múmkindik beredi.
