Is-sharany elordalyq bilim basqarmasy uıymdastyrdy. Chempıonatqa 18-22 jas aralyǵyndaǵy tehnıkalyq jáne kásiptik bilim beretin mekemelerdiń stýdentteri men qala kásiporyndarynyń jas mamandary qatysady.
«Barshańyz óz kásibı baǵyttaryńyzdy tańdadyńyzdar. Siz joǵary nátıje kórsetip qana qoımaı, óz sheberlińizdi halyqaralyq deńgeıde synap otyrsyz. Bizdiń qala úshin osyndaı shákirtterdi, stýdentterdi tanystyrý úlken qurmet. Chempıonattyń aldaǵy úsh kúni sizder úshin oqıǵalarǵa ári qyzyqty tájirıbege qanyq bolýyn shyn júrekten tileımin. О́z sheberlikterińizdi shyńdańyzdar, joǵary nátıje kórsetińizder, júzden júırik bolyńyzdar!» - dedi sharanyń ashylý saltanatynda sóz sóılegen bilim basqarmasynyń basshysy Ánýar Janǵozın.
Chempıonat «Veb dızaın», «Aspazshy», «Kirpish qalaýshy», «Jeńil avtokólikterdi jóndeý jáne qyzmet kórsetý», «Shanaq jóndeý», «Bızneske arnalǵan IT sheshimder», «Mehatronıka», «Dızaın jáne modeldeý», «Meıramhana qyzmeti», «Jelilik jáne júıelik ákimshilik», «Dızaın», «Injenerlik grafıka», «Naýbaıhana tehnologııasy», «Santehnıka jáne jylý», «Kondıterlik buıymdar», «Grafıkalyq dızaın», «Jeke bilim berý jáne oqytý» sııaqty baǵyttar boıynsha ótedi.
«Chempıonatqa veb-baǵdarlamalaý baǵyty boıynsha ekinshi jyl qatarynan qatysyp otyrmyn. О́tken jylmen salystyrǵanda, bıyl saıystyń aýqymdylyǵy, taqyryptardyń ár alýandyǵy baıqalady. Qatysýshylardyń qatary kóbeıgen. Bizdiń komandanyń aldynda tolyq fýnksıonaldy veb-saıt ázirleý mindeti tur. Jalpy alǵanda, jobany ázirleýge bizge 2 kún beriledi», - dedi týrnırdiń qatysýshysy Vıtalıı Selıvıskıı.
Chempıonat jeńimpazdary 9-14 qyrkúıekte ótetin «WorldSkills Kazakhstan-2019» kásibı biliktiliktiń V-shi respýblıkalyq chempıonatynda Nur-Sultan komandasynyń namysyn qorǵaıtyn bolady.
Budan bólek, osy jyly alǵash ret 13-15 jas aralyǵyndaǵy orta mektepterdiń 8-9 synyp oqýshylary arasynda «JasSkills Nur-Sultan –2019» qalalyq chempıonaty ótkiziledi dep josparlanýda.
