«Biz komandalyq jarysqa daıyndaldyq. Komanda sapynda Azııanyń úzdikteri jınalǵan. Jigitter jarys jolyn bir demmen júrip ótti. Burylys kezinde bizdiń nátıjeniń jaqsy ekenin bildik. Tap osyndaı kórsetkish úshin kelgenbiz», - deıdi Bazaev.
Al komandanyń jeńisine úles qosqan veloshabandoz Artem Zaharov komandanyń daıyndyǵy joǵary bolǵanyn jetkizdi.
«Barlyǵy da sátti ótti. Aýa raıynyń da kómegi kóp. Al jarys joly aıtarlyqtaı qıyn bolǵan joq. Tek jel ǵana sál áserin tıgizgen shyǵar. Qazirgi kóńil-kúıimiz keremet. Komanda tolyǵymen daıyn boldy. Jeke men úshin Tashkenttegi Azııa chempıonaty aıaqtaldy. Tyǵyz kestege baılanysty endi trekten ótetin eki jarysqa daıyndalamyn», - deıdi Zaharov.
Aıta ketelik, Qazaqstan komandasy sapynda Iýrıı Natarov, Jandos Bıjigitov, Dmıtrıı Grýzdev, Artem Zaharov, Evgenıı Gıdıch jáne Danııl Fomınyh Azııa chempıony atandy.
Al qyzdar komandasynyń enshisinde kúmis medal bar.
