Búgin elordada Qazaqstan, О́zbekstan, Tájikstan, Túrkimenstan, Qyrǵyzstan, Armenııa, Grýzııa jáne Ázerbaıjan Parlamenti depýtattarynyń, densaýlyq saqtaý, aýyl sharýashylyǵy, qarjy, bilim berý mınıstrlikteri ókilderi sımpozıým jumysyn bastady. Birneshe kún bolatyn basqosý barysynda balalarǵa arnalǵan durys tamaqtaný júıesin qamtamasyz etý jáne ony basqarýdy jaqsartý jaıyndaǵy ózara is-sharalar talqylanyp bekitiletin bolady.
"Búginde Ortalyq Azııada balalar semizdiginiń taralýy álemde ekinshi orynda (10, 7%), sonymen qatar 2000 jyl men 2017 jyl aralyǵynda artyq salmaǵy bar bes jasqa deıingi balalardyń sany 1,6 mıllıonnan 3,2 mıllıonǵa deıin eki ese ósken. Bul - kóp qozǵalmaýdyń, durys uıyqtamaýdyń saldary. Bul jetkinshekterdiń ózderin tómen baǵalap, oqý úlgeriminiń nasharlaýyna ákeledi,jáne eresek kezindegi de ómir súrý, tamaqtaný saltyna áser etedi", - deıdi densaýlyq saqtaý jáne durys tamaqtaný boıynsha aımaqtyq maman Amırhosseın Iаrparvar.
Aımaqtaǵy azyq-túlik jáne tamaqtaný júıesin basqarý balalar men jasóspirimderdiń salamatty, durys tamaqtanýyn qamtamasyz etip, ult densaýlyǵyn jaqsarta alady, sondyqtan memleket qarajat bólýi kerek degen pikirge uıyǵan sımpozıým jumysyn jalǵastyryp jatyr.
Atalǵan sharany Dúnıejúzilik BUU-nyń Azyq-túlik jáne aýylsharýashylyǵy uıymy men azyq-túlik baǵdarlamasynyń qoldaýymen QR Densaýlyq saqtaý mınıstrligi, Qoǵamdyq densaýlyq saqtaý ulttyq ortalyǵy, BUU Balalar qory (IýNISEF) uıymdastyryp otyr.
