Sanıtarlyq avıasııa mynandaı jaǵdaıda shuǵyl medısınalyq kómek kórsetti: balalar patologııasy – 24,3%, qan aınalymy júıesi aýrýlary – 24,2%, jaraqat, jazataıym oqıǵalar men ýlaný (sonyń ishinde JKO) – 17,5%, jańa týǵan náresteler patologııasy – 14%, akýsherlik-gınekologııalyq patologııa – 11,4% jáne basqa aýrýlar – 8,6% .
Sanıtarlyq avıasııa qyzmetiniń negizgi mindeti - elimizdiń shalǵaı aýdandarynda turatyn halyqqa ýaqytyly jáne sapaly medısınalyq kómek kórsetý.
Naýqas turatyn óńirdegi aýrýhanada medısınalyq jabdyq nemese bilikti maman bolmaǵan jaǵdaıda sanavıasııa qyzmetiniń ushaǵy shaqyrtylady.
2019 jyly 1 sáýirde Mańǵystaý oblysynda jol-kólik oqıǵasynan zardap shekken áıelge sanıtarlyq avıasııalyq kómek kórsetildi. Pasıent keshendi em alý úshin Mańǵystaý oblystyq aýrýhanasynan Nur-Sultandaǵy № 1 qalalyq aýrýhanaǵa jetkizildi.
Sanıtarlyq avıasııalyq qyzmet naýqas turatyn aımaqtaǵy medısınalyq mekemede jabdyq, mamandar joq bolsa, adamǵa shuǵyl medısınalyq kómek kórsetý múmkin bolmaǵan jaǵdaıda, tótenshe oqıǵa oryn alsa, medısınalyq evakýasııa kezinde, pasıentti respýblıkalyq nemese qalalyq emhana, aýrýhanaǵa jetkizý maqsatynda, shetelde aýyr hálde jatqan el azamattaryn tasymaldaý úshin paıdalanylady.
