Onyń barysynda iskerler úshin aıtýly sharalar «Altyn sapa» men «Qazaqstannyń úzdik taýary» kórme-baıqaýyna qatysýǵa shaqyrdy. Baıqaýlardyń talaptary men sharttaryn keńinen túsindirip berdi. Bul týraly Mańǵystaý oblysynyń kásipkerler palatasy baspasóz qzymeti habarlady.
«Atameken» QR Ulttyq kásipkerler palatasy 2015 jyldan bastap «Altyn sapa» baıqaýy men «Qazaqstannyń úzdik taýary» respýblıkalyq kórme-baıqaýyn uıymdastyryp keledi. Baıqaýdyń basty maqsaty – otandyq óndirýshini qoldaý, otandyq taýar men qyzmet sapasynyń joǵarylaýyna, sondaı-aq otandyq óndirýshilerdiń básekelik qabileti men sapa ıdeıasy tanymaldyǵynyń artýyna yqpal etý. Keńinen qaraıtyn bolsaq, bul baıqaýlar kompanııa ishindegi jumysty qurylymdap jáne júıelendirýge, jetildirý úderisin bastaýǵa jol ashady.
-Aıtýly baıqaýǵa usynylǵan kásiporynnyń qarjylyq tazalyǵy, qaryzdary men bereshekteriniń joǵy da tekseriledi. Baıqaýǵa QR aýmaǵynda sapaly jasalǵan kez-kelgen taýar túrlerin óndirýshi kompanııalar qatysa alady. «Altyn sapaǵa» 3 jyl naryqta jumys istegen, al «Qazaqstannyń úzdik taýaryna» 2 jyl ónim óndirgen kásiporyndar ótinish bere alady. Jyl sanap qatysýshylar sany artyp keledi. Máselen 2015 jyly 157 mekeme baq synaǵan bolsa, ótken jyly 182 kásiporynnan ótinish tústi. Mańǵystaý oblysynyń kásipkerleri de zor yqylas bildirip otyr, deıdi S. Ábdikárimova.
Túımesh Abdýllaeva Mańǵystaý aýdanynda 2011 jyldan bastap nan ónimderin pisiredi. Túrik tehnologııasy boıynsha naýbaıhana ashqan kásipker buǵan deıin mańyzdy sharaǵa qatysqan. Bıyl da baıqaýda baq synap kórmek.
-2015 jyly Elordaǵa kórme-baıqaýǵa baryp, Elbasymen kezdesip keldik. Bıyl da qujattarymdy daıyndap jatyrmyn. Talap óte joǵary. О́z kásipornyńnyń shyn máninde laıyqty ekenin dáleldeıtin qujattardy júıeli, sapaly etip jınaqtaý kerek. О́ńirlik baıqaýdan sátti ótkender, respýblıkalyq dárejege joldama alady, deıdi kásipker Túımesh Abdýllaeva.
«Altyn sapa» baıqaýynda syılyqtar shaǵyn kásipkerlik sýbektisine, orta kásipkerlik sýbektisine jáne iri kásipkerlik sýbektisine «О́ndiristik maqsattaǵy úzdik kásiporyn»,
«Halyqqa arnalǵan taýar shyǵaratyn úzdik kásiporyn»,
«Qyzmet kórsetetin úzdik kásiporyn»,
«Azyq-túlik taýarlary nemese aýylsharýashylyq ónimderin shyǵarýshy úzdik kásiporyn» syndy tórt atalym boıynsha beriledi.
Sonymen qatar kásiporyndardy baıqaýǵa qatysýǵa yntalandyrý úshin «Altyn sapa» laýreattaryna 1 mln. teńge kóleminde syıaqy beriledi.
Al, «Qazaqstannyń úzdik taýary» kórme-baıqaýynda kásipkerler «О́ndirisitik maqsattaǵy úzdik taýar», «Halyqqa arnalǵan úzdik taýar» jáne «Úzdik azyq-túlik taýary» syndy úsh atalymda jeńimpaz bolady.
Aıta keteıik, «Altyn sapa» baıqaýynyń jeńimpazdary Memleket basshysynyń qolynan syılyq alady. «Altyn sapa» baıqaýy laýreattary men «Qazaqstannyń úzdik taýary» kórme-baıqaýynyń dıplomanttary baıqaý belgisin jarnamalyq maqsatta tórt jylǵa deıin qoldaný quqyǵyna ıe bolady.
