Azııa chempıonatynda Qazaqstannyń ulttyq quramasy sapynda óner kórsetken 10 boksshynyń úsheýi qalyń toptyń arasynda qalyp qoıdy. 52 kılo salmaqtaǵy Ánýar Muzafarovtyń qabaǵy jarylyp, jeńis qyrǵyzstandyq Azat Úsenálıevtiń enshisinde ketti. 57 kılo salmaq dárejesinde óner kórsetken álem chempıony Qaırat Eralıev úndistandyq Kavınder Sıngh Bıshtten aılasyn asyra almady. 69 kılo salmaqtaǵy Aslanbek Shymbergenov ózbekstandyq Bobo-Ýsmon Batýrovqa jol berdi. Osylaısha, jartylaı fınalǵa elimizdiń jeti boksshysy jetti.
Jartylaı fınalda 49 kılo salmaqtaǵy Temirtas Júsipovtiń rıngke kóterilýine dárigerler ruqsat bermedi. 64 kılo salmaqtaǵy Sanatáli Tóltaev asa tartysty ótken básekede tájikstandyq Bahodır Ýsmonovtan utyldy. Al ataǵy alysqa jaıylǵan Vasılıı Levıtti Ońtústik Koreıanyń oǵlany Kım Hen Kıý eki ret nokdaýnǵa túsirgennen soń tóreshiler jekpe-jekti toqtatýǵa májbúr boldy. Osy úsh sporshymyz qola medaldi qanaǵat tutty.
Fınalda Qazaqstannyń tórt boksshysy baryn salyp aıqasty. Jarystyń sońǵy kúni alǵashqy bolyp rıngke kóterilgen 60 kılo salmaqtaǵy Zákir Safıýllın mońǵolııalyq Senbaatar Erdenbattan utyldy. Odan keıin qos qandasymyz Qazaq eliniń ánuranyn shyrqatty. Ásirese, biz Tursynbaı Qulahmettiń janqııarlyǵyna rıza boldy. Negizi elimizde 75 kılo salmaq dárejesiniń kóshbasshysy Ábilhan Amanqul ekenin barsha jurt jaqsy biledi. Dańqty bapker Nurlan Aqúrpekovtiń shákirti eski jaraqatynan aıyǵa almady. Sodan ulttyq qurama jattyqtyrýshylary oılana-tolǵana kele, Ábilhannyń ornyna Bangkokqa Qulahmetti aparýdy qup kórdi. О́z kezeginde Syr boıynyń saıypqyrany el senimin tolyqtaı atqady. Shırek fınalda ol Azııa oıyndary men Azııa birinshiliginiń jeńimpazy, ózbekstandyq Israıl Madrımovty ádemi utty. Jartylaı fınalda túrkimenstandyq Nursahat Pazzyevtyń muryn buzyp, eline qaıtardy. Osy jekpe-jekte qazaqtyń ulyna aıqyn jeńiske jetý úshin nebary 20 sekýnd jetkilikti boldy. Fınalda Tursynbaı Qulahmet úndistandyq Ashı Qumardy esh qınalmaı jeńdi.
81 kılo salmaqtaǵy Bek Nurmaǵanbettiń de óneri kópshiliktiń kóńilinen shyqty. Jastary býyny arasyndaǵy jarystarda jasyndaı jarqyrap, eresekter dýyna qosylǵanyna az ǵana ýaqyt bolǵan Túrkistannyń tastúlegi Taılandta kópti kórgen kánigi sportshydaı rıngte ózin erkin sezindi. Taktıkalyq ta, tehnıkalyq ta turǵydan daıarlyǵy óte kúshti Bek sary qurlyqtyń basty dodasynyń bas júldesin talassyz jeńip aldy.
Alyptardyń aıqasyn barsha jankúıer taǵatsyzdana kútti. О́ıtkeni, О́zbekstan men Qazaqstan boksshylarynyń ózara tartysy, «jan alysyp, jan berisken» aıqasy jankúıerlerdi eshýaqytta beı-jaı qaldyrǵan emes. Onyń ústine, aqtyq aıqasqa syralǵy qarsylastar shyqty. Ekeýi de búgingi tańdaǵy alyp qurlyqtyń úzdikteri, álemdik deńgeıdegi jarystarda jeńis tuǵyryna kóterilgen sańlaqtar. Máselen, Bahodır Jalolov – álem chempıonatynyń qola júldegeri jáne Azııa chempıony. Kásipqoı rıngte de ózin jaqsy qyrynan kórsetken ol alty kezdesýdiń barlyǵynda aıqyn basymdyq tanytty. Qamshybek Qońqabaev – álem jáne Azııa chempıonatynyń kúmis júldegeri. Bangkoktaǵy jarystyń sheshýshi saıysynda ekeýi de baryn saldy. Desek te tóreshiler Jalolovtyń qolyn kóterdi. Qońqabaev kúmis medaldi qanaǵat tutty.
Bangkokta ótken Azııa chempıonatynyń erler arasynda myna boksshylar jeńis tuǵyrynyń eń bıik satysyna kóterildi: 49 kılo – Nodırjon Mırzahmetov (О́zbekstan), 52 kılo – Amıt (Úndistan), 56 kılo – Mırazızbek Mırzahalılov (О́zbekstan), 60 kılo – Senbaatar Erdenbat (Mońǵolııa), 64 kılo – Bahodır Ýsmonov (Tájikstan), 69 kılo – Bobo-Ýsmon Batırov (О́zbekstan), 75 kılo – Tursynbaı Qulahmet (Qazaqstan), 81 kılo – Bek Nurmaǵanbet (Qazaqstan), 91 kılo – Kım Hen Kıý (Ońtústik Koreıa) jáne +91 kılo – Bahodır Jalolov – (О́zbekstan).
Sonymen qatar, áıelder arasynda ótken jarysta tórt boksshymyz qola medaldi moıyndaryna ildi. Olar – Mılana Safronova (64 kılo), Darıǵa Shákimova (69 kılo), Farıza Sholtaı (81 kılo) jáne Lázzat Kúngeıbaeva (+81 kılo).
Jalpy komandalyq esep (erler)
|
Oryn |
Memleket |
Altyn |
Kúmis |
Qola |
Barlyǵy |
|
1. |
О́zbekstan |
4 |
1 |
1 |
6 |
|
2. |
Qazaqstan |
2 |
2 |
3 |
7 |
|
3. |
Úndistan |
1 |
3 |
3 |
7 |
|
4. |
Ońtústik Koreıa |
1 |
1 |
– |
2 |
|
5. |
Mońǵolııa |
1 |
– |
3 |
4 |
|
6. |
Tájikstan |
1 |
– |
– |
1 |
|
7-9 |
Iordanııa |
– |
1 |
1 |
2 |
|
7-9 |
Japonııa |
– |
1 |
1 |
2 |
|
7-9 |
Fılıppın |
– |
1 |
1 |
2 |
|
10-11 |
Qyrǵyzstan |
– |
– |
2 |
2 |
|
10-11 |
Qytaı |
– |
– |
2 |
2 |
|
12-14 |
Túrkimenstan |
– |
– |
1 |
1 |
|
12-14 |
Iran |
– |
– |
1 |
1 |
|
12-14 |
Sırııa |
– |
– |
1 |
1 |
