Qazaqstannyń ulttyq qurama komandasynda Qostanaı oblysynan sportshylar Arýna Jaqsyǵulova men Chashın Aleksandr, Málıka Muhtarova jáne Vladıslav Sahno boldy. Jatyqtyrýshy Andreı Nýjnyıdyń aıtýynsha, qostanaılyq sportshylar úzdik óner kórsetip, elimiz quramasyna olja saldy.
Jarystyń alǵashqy kúni solo men baǵdarlamasy boıynsha Chashın Aleksandr qola medaldi jeńip aldy. Al kelesi kúni open world cup sheńberindegi senior sanatynda Arýna Jaqsyǵulova men Chashın Aleksandr 1-shi orynǵa kóterildi. Týrnırdiń 3-shi kúni duo combi latino baǵdarlamasy boıynsha Muhtarova Málıka men Sahno Vladıslav qorjynǵa kúmis medal
Saldy. Osy baǵdarlama boıynsha Arýna men Aleksandr 3-shi oryn alsa, Aleksandrdyń ózi solo singl men freestyle 3-shi oryn aldy
«Qostanaıda ózimiz bastaǵan arbadaǵy bı qanatyn jaıyp keledi. О́ıtkeni bıge qyzyǵýshylyq tanytqandar qatary kóbeıe tústi. Olar munyń úlken eńbek ekenin de biledi. Bizdiń jeńisterimiz alda kóbeıe túsetin bolady» deıdi Arýna Jaqsyǵulova.
