Qaraǵandy oblysynda oblystyq, qalalyq jáne aýdandyq deńgeıdegi 55 etnomádenı birlestik jumys isteıdi. Qalalar men aýdandarda oblystyq qoǵamdyq birlestikterdiń 4 fılıaly jáne 23 bastamashyl toby bar. Bul uıymdarda Qazaqstan Respýblıkasynyń Tuńǵysh Prezıdenti Nursultan Nazarbaevtyń «Rýhanı jańǵyrý» baǵdarlamasyn, «Uly dalanyń jeti qyry» jáne Qazaqstan halqy Assambleıasynyń «Qazaqtaný» jobasyn júzege asyrý maqsatynda túrli sharalardy turaqty ótkizý úrdiske aınalǵan.
Kúni keshe ótken Qazaqstan halqy Assambleıasynyń kezekti sessııasynda uıymnyń Tóraǵasy, Elbasy Nursultan Nazarbaev: «Halyqtyń qalaýymen qurylǵan Assambleıa bedeldi konstıtýsııalyq organǵa aınaldy. QHA memlekettik qurylysqa barlyq qazaqstandyq etnostar men dinı konfessııalardy tarta bildi. Assambleıany memlekettiń saıası júıesimen astastyra otyryp, biz ulttyq birlikte ózimizdiń aıryqsha baǵytymyzdy tańdadyq», dep oryndy atap ótti.
Bizdiń elimizde tatýlyq pen kelisimnen bólek, qazaqstandyqtardyń bıznesi men ınvestorlar úshin de jan-jaqty jaǵdaılar jasalǵan. Osy berekeli tirlikti kózimen kórgen bizdiń lıtvalyq dostarymyzdyń biri Qaraǵandy oblysynyń ortalyǵynda «Lıtva aýlasy» dep atalatyn keremet ǵımarat saldy. Qazirgi ýaqytta «Lıtýanıka» lıtva birlestiginiń músheleri bul jerde bas qosyp, barlyq merekelerdi atap ótedi.
Etnomádenı birlestikter Qaraǵandy qalasynda boı kótergen «Dostyq úıi» syndy ǵajaıyp ǵımarat úshin elimizdiń Tuńǵysh Prezıdenti Nursultan Ábishuly Nazarbaevqa zor alǵysymyzdy bildiremiz. Mundaı márttik pen batyldyqty bizdiń sońymyzdan ergen jańa býyn ókilderi de jaqsy sezinedi. Osy oraıda bıylǵy jyldyń «Jastar jyly» dep atalýynyń da tegin emestigin aıtqym keledi. Biz jastarǵa memleketti, bıznesti jáne otbasyn qurý isinde ózderin kórsete alatyn tamasha múmkindik berip otyrmyz. Bolashaqta jas býynnyń bizge rızashylyqpen jáne qurmetpen qaraıtynyna nyq senimdimiz.
Biz, Qazaqstanda turatyn lıtvalyqtar, kezinde óz basyndaǵy aýyr jaǵdaıǵa qaramastan, ózge ulttarǵa kómek qolyn sozǵan qaıyrymdy qazaq halqyna árqashan qurmetpen, zor rızashylyq sezimimen qaraımyz. Elimizdegi tynyshtyq pen turaqtylyqty qazaq halqynyń baýyrmaldyǵy men darqandyǵyna taǵdyrdyń bergen úlken syıy retinde qabyldaıtyndyǵymyz da sonyń jarqyn belgisi. Salt-dástúri saqtalǵan, tili men dinine erkindik berilgen kópultty, kóp konfessııaly Qazaqstan halqy elimizdegi beıbit ómirdiń tiregi sanalatyn tatýlyq pen kelisimdi saqtaýǵa eń birinshi kezekte múddeli dep nyq senimmen aıtýǵa bolady.
Vıtalıı TVARIONAS,
Qaraǵandy oblysy Qazaqstan halqy Assambleıasy Qaıyrymgerler men mesenattar klýbynyń tóraǵasy, «Lıtýanıka» lıtva birlestiginiń tóraǵasy
QARAǴANDY
