Qazaqstan • 01 Mamyr, 2019

E.Demırchıev: Bir úıdiń balasyndaımyz

889 ret kórsetildi

123 etnomádenı birlestik shoǵyrlanǵan Shyǵys Qazaqstanda ár ulttyń óz tilin meńgerip, dástúrin damytýǵa tolyq jaǵdaı bar. Elbasynyń uıytqy bolýymen 24 jyl buryn qurylǵan Qazaqstan halqy Assambleıasynyń basty maqsaty – tatýlyq týyn bıik ustap, beıbitshilikti nasıhattaý.

Búginde bul qoǵamdyq ınstıtýt ózge elder úshin ultara­lyq kelisimniń úlgisine aınaldy. Birlessek, birge bolsaq, barlyq halyqty oılasaq qana úlken jeńisterge jetemiz.

Elimizdegi tuńǵysh Dostyq úıi shyǵysta – О́skemen qala­synda 1992 jyly ashyl­ǵa­ny belgili. Ol kezde 9 ulttyq birlestik qana bolǵan-dy. Al qazir óńirimizde 13 Dostyq úıi bar, olardyń quramynda 123 etnomádenı birlestik belsendi jumys isteýde. Memleket tarapynan ulttardyń mádenıetin, salt-dástúrin, tilin damytýǵa barlyq jaǵdaı jasalyp keledi. Ol jerde nemis, tatar, belorýs, cheshen, armıan, ázerbaıjan, ýkraın, ıvrıt, koreı tilderi oqytylady.

Sońǵy eki jylda oblys ákimi, oblystyq Qazaqstan hal­qy Assambleıasynyń tór­aǵa­sy Danıal Ahmetovtiń basta­masymen «Shyǵys Qazaqstan etnostarynyń mádenı mura­sy» jobasy aıasynda óńir eldi meken­derinde saqtalǵan qazaq, orys jáne tatar folk­loryn zertteýge jetkilikti qarjy bólindi. Ob­lys basshylyǵy tarapynan etno­mádenı bir­lestikterge etnos­tyq mere­kelerdi ótkizýge, kór­me­lerdi, semınarlardy, sheber­lik sabaq­­taryn, konferen­­sııa­lar­dy uıymdastyrýǵa, ult­­tyq kıim-keshekter tigýge jár­dem­desip turady.

1996 jyldan beri jumys istep kele jatqan, búginde ózim jetekshilik etetin oblystyq ázerbaıjan etnomádenı bir­les­tigine 2500 adam múshe. Bizdiń birlestigimizdiń «Rıtm» degen bı toby bar. О́ńirdegi, qaladaǵy barlyq is-sharaǵa qatysyp júremiz. О́skemendegi Dostyq úıi – Qoǵamdyq kelisim ortalyǵy janyndaǵy Jańǵyrý mektebinde aımaqtaǵy ulttar men ulystardyń tilderi tegin oqytylady. Ázerbaıjan tili de aptasyna bir ret oqyty­lady. Bizge óz tilimizdi, dili­mizdi, salt-dástúrimizdi oqyp-úı­renýge múmkindik berip otyr­ǵany úshin memleketke alǵysymyz sheksiz.

Til degennen shyǵady, jalpy, shyǵystaǵy ázerbaıjan jas­tarynyń kóbi qazaq tilin jaq­sy biledi. Qansha degenmen túbi bir túrki jurtynyń ba­la­symyz ǵoı. Meniń zaıybym – qazaq qyzy. Dostyq, ta­tý­lyq, birlik-bereke osydan bas­talmaı ma? Maǵan eli­miz­degi ózge dıaspora ókil­deri bir úıdiń balalaryndaı kóri­ne­di. Bir-birimen aralasyp, bi­te qaınasyp ketken. Osy bir­­l­i­gimizden, osy yrys-ynty­maǵy­myz­dan aıyryl­masaq eken. Bar­­sha­­lary­ńyzdy 1 mamyr – Qazaq­­stan halqynyń bir­ligi kúni merekesimen quttyq­taımyn.

 

Elvın DEMIRChIEV,

oblystyq ázerbaıjan etnomádenı birlestiginiń tóraǵasy

 О́SKEMEN

 

Sońǵy jańalyqtar

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Álkeıdi áli zertteý qajet

Aımaqtar • Búgin, 08:55

Ulttyq ulanda boldy

Qazaqstan • Búgin, 08:52

Kıprdan kelgen kúmis pen qola

Bilim • Búgin, 08:50

Ǵalymdar muǵalimderge keńes berdi

Ǵylym • Búgin, 08:48

Balalarǵa ekzoskelet áperedi

Medısına • Búgin, 08:43

El damýynyń bolashaǵyna arnaldy

Qazaqstan • Búgin, 08:36

Uqsas jańalyqtar