Is-sharaǵa qalalyq Qazaqstan halqy Assambleıasy tóraǵasynyń orynbasary Muratáli Qalmuratov, qalalyq bilim basqarmasy basshysynyń mindetin atqarýshy Aıgúl Tekebaeva jáne qaladaǵy 29 kolledj dırektorlarynyń tárbıe isi jónindegi orynbasaralary, «Dostyq» klýbtary men etnomádenı birlestikterdiń jastar qanattarynyń jetekshileri qatysty.
Májilistegi alǵysózinde qalalyq QHA tóraǵasynyń orynbasary M. Qalmuratov keshe Nur-Sultan qalasynda ótken Qazaqstan halqy Assambleıasynyń XXVII sessııasynda aıtylǵan mańyzdy máselelerge toqtaldy. Sessııada Elbasy, Qazaqstan halqy Assambleıasynyń tóraǵasy N.Nazarbaev aıtqan bastamalardy iske asyrýǵa jastardy belsene qatysýǵa shaqyrdy.
«Elbasy assambleıanyń qoǵamdyq sanany jańǵyrtý prosesteriniń belsendi qatysýshysy ekenin aıtty. Bilimge júginý, jańa ıdeıalarǵa jol ashý, ulttyq kodty saqtaý jáne Qazaqstannyń evolıýsııalyq damýy – jalpyulttyq tarıhı sana men birtekti qundylyqtardy qalyptastyrýdyń negizderi ekenin alǵa tartyp, muny paıymdy parasattylyqpen iske asyrý Assambleıanyń tikeleı jaýapkershiligine jatatynyn jetkizdi. Osy baǵytta assambleıanyń eń belsendi músheleri sanalatyn jastardyń aldynda aldynda da jańa aýqymdy mindetter tur», dedi M. Qalmuratov.
Shymkenttegi bilim uıalarynda júzge jýyq túrli etnos jastarynyń bilim alyp jatqanyn aıtqan qalalyq bilim basqarmasy basshysynyń mindetin atqarýshy A. Tekebaeva olardyń ózara dostyǵyn nyǵaıtý baǵytynda «Dostyq klýbtary» men «Jańǵyrý joly» jastar qozǵalysynyń jumysyn jandandyrý qajettigin aıtty. Bul baǵytta QHA men bilim basqarmasy arasynda birlesken jumys jospary túzilip, «ÚOUTH FORUM», «Jastar shaqyrady», «Berekeli shańyraq», «Drýjba bez granıs», «Maqsatqa jet», «Meıirimdi jastar»,«Eltaný», «Aibyn» syndy segiz joba júzege asyrylmaq.
Shymkent
