Jıynǵa sarapshylar qaýymdastyǵynyń ókilderi, úkimettik emes uıymdardyń jetekshileri, elimizdiń 20 óńirindegi azamattyq alıanstardyń kóshbasshylary, sondaı-aq Qoǵamdyq keńesterdiń tóraǵalary men músheleri qatysty. Bul alańnyń keń óńirlik jáne kásibı ókildikke ıe bolýyn qamtamasyz etti.
Kún tártibinde azamattyq qoǵam ınstıtýttarynyń konstıtýsııalyq reformany iske asyrýǵa qatysýy, memlekettik organdarmen ózara is-qımyl tetikterin jetildirý jáne reformalardy ázirleý men talqylaý úderisine qoǵamnyń keńinen qatysýyn arttyrý máseleleri qaraldy.
Áleýmettik zertteý: Qazaqstan halqynyń 85%-y jańa Konstıtýsııa jobasyn qoldady
Otyrys qorytyndysy boıynsha Qazaqstannyń Azamattyq alıansy konstıtýsııalyq reformany qoldaý jóninde resmı málimdeme jasap, onyń eldiń saıası júıesin odan ári damytýdaǵy mańyzyn atap ótti. Sondaı-aq Konstıtýsııalyq komıssııa múshelerine atqarǵan jumysy jáne azamattyq qoǵam usynystaryna nazar aýdarǵany úshin alǵys bildirildi.
Málimdemeniń tolyq mátinimen silteme arqyly tanysýǵa bolady.
