Talqylaýǵa Prezıdent janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııa músheleri, akademııalyq qaýymdastyq pen sarapshylar, úkimettik emes uıymdar, sondaı-aq Astana qalasyndaǵy Otbasyn qoldaý ortalyǵynyń ókilderi qatysty. Jıyn barysynda jańa Konstıtýsııa jobasynyń 30-baby, ıaǵnı neke, otbasy, ana, áke jáne balaǵa qatysty normalar keńinen sóz boldy.
Otyrysty QQDI basqarma tóraǵasy Juldyzaı Ysqaqova júrgizdi. Onyń aıtýynsha, jańa Konstıtýsııa jobasyna otbasy men neke qatynastaryn retteıtin normany engizý neke ınstıtýtynyń quqyqtyq mártebesin aıqyndap, áleýmettik ózgerister jaǵdaıynda otbasynyń qundylyq baǵdaryn naqtylaýǵa yqpal etedi.
«Aýyl» partııasynyń jastary Konstıtýsııalyq reformany qoldaıdy
QQDI Otbasy jáne genderlik saıasat salasyndaǵy zertteýler ortalyǵynyń basshysy Aqnur Imanqul Qazaqstan otbasylarynyń áleýmettanýlyq portretine toqtaldy.
«Elimizdegi otbasy ınstıtýty daǵdarysta emes, kerisinshe, áleýmettik ózgeristerge beıimdelip keledi. Bul qundylyq baǵdarlaryn, genderlik sezimtaldyqty jáne áleýmettik-ekonomıkalyq qoldaý tetikterin ushtastyratyn ıkemdi ári teńgerimdi saıasatty talap etedi», dedi sarapshy.
Konstıtýsııa jobasy partııalyq pikirtalas taqyrybyna aınaldy
Áleýmettaný ǵylymdarynyń doktory, QSZI bas ǵylymı qyzmetkeri Aıgúl Zabırova otbasy ınstıtýtynyń qazirgi áleýmettik úderister yqpalymen kúrdelene túskenin atap ótti.
«Búginde otbasynyń transformasııa baǵyttaryn jáne nekeniń quqyqtyq anyqtamasyn qaıta paıymdaý qajettigi týyndap otyr. Osy turǵyda jańa Konstıtýsııa jobasynyń 30-babynda nekeniń er men áıel arasyndaǵy erikti odaq retinde bekitilýi quqyqtyq aıqyndyq beredi jáne qoǵam suranysyna saı keledi», dedi ol.
Ulttyq ekspert, demograf Aıaýlym Saǵynbaeva balalardyń ata-anasynyń nekede bolýy olardyń qaýipsizdigi men ál-aýqaty úshin mańyzdy ekenin atap ótti. Onyń pikirinshe, otbasyǵa qatysty konstıtýsııalyq normalar er men áıeldiń quqyqtarymen qatar, eń aldymen, balalardyń múddesine baǵyttalýǵa tıis.
Astanada jańa Konstıtýsııa jobasyn talqylaýǵa arnalǵan kezdesý ótti
Jıyn barysynda sondaı-aq otbasy ınstıtýtynyń transformasııasy, memlekettiń otbasy saıasatyn qalyptastyrýdaǵy róli jáne konstıtýsııalyq retteý men áleýmettik praktıkalardyń ózara baılanysy talqylandy. Qatysýshylar áleýmettik mańyzy bar ınstıtýttarǵa qatysty sheshim qabyldaýda empırıkalyq derekterge súıenýdiń mańyzyn erekshe atap ótti.
