Jıynǵa Qazaqstan Jazýshylar odaǵy Basqarmasynyń tóraǵasy Mereke Qulkenov tóraǵalyq etti. Kezdesýde jańa Konstıtýsııa jobasynyń tujyrymdamalyq negizderi, onyń qoǵamdyq jáne rýhanı máni keńinen sóz boldy. Talqylaýǵa Janarbek Áshimjan, Aıdos Sarym jáne Anar Fazyljan qatysyp, qujattyń mazmunyna qatysty usynystaryn ortaǵa saldy.
Áleýmettik zertteý: Qazaqstan halqynyń 85%-y jańa Konstıtýsııa jobasyn qoldady
Basqosýdyń negizgi maqsaty el taǵdyryn aıqyndaıtyn mańyzdy quqyqtyq qujatqa shyǵarmashylyq qaýymnyń kózqarasyn júıeleý, sondaı-aq jańa Konstıtýsııa jobasyn jalpyulttyq talqylaýǵa keńinen tartý boldy. Osy turǵyda qalamgerler men zııaly qaýym ókilderi qoǵamdaǵy ózgeristerge sergek qarap, quqyqtyq reformalarǵa óz únin qosýdyń mańyzyn atap ótti.
Astanada jańa Konstıtýsııa jobasyn talqylaýǵa arnalǵan kezdesý ótti
Talqylaý barysynda konstıtýsııalyq reformanyń basym baǵyttary, jańa jobada qoǵam, mádenıet pen shyǵarmashylyq salasyna qatysty qarastyrylǵan normalar, azamattyq ınstıtýttardyń orny men jaýapkershiligi jan-jaqty taldandy. Qatysýshylar azamattardyń quqyqtary men bostandyqtaryn keńeıtý, sóz jáne shyǵarmashylyq erkindigin ınstıtýsıonaldyq deńgeıde kúsheıtý eldiń uzaq merzimdi damýy úshin sheshýshi faktor ekenin aıtty.
Jańa Konstıtýsııaǵa memleket tarapynan keltirilgen zııandy óteý týraly normany engizý usynyldy
Sonymen qatar, shyǵarmashylyq qaýym ókilderi jańa Konstıtýsııany tek quqyqtyq normalar jıyntyǵy retinde emes, qoǵamdyq sanany jańǵyrtatyn, ádilettilik pen jaýapkershilik qaǵıdattaryn ornyqtyratyn rýhanı tirek retinde qabyldaý qajettigin atap ótti. Bul ustanym qujattyń ómirsheńdigi men qoǵamdaǵy qabyldaný deńgeıin arttyrýǵa yqpal etetini aıtyldy.
