Qazaqstan halqynyń birligi kúni elordada «Nurly jer» turǵyn úı qurylysy baǵdarlamasyn iske asyrý sheńberinde «Turǵyn úı qurylys jınaqtary júıesi arqyly nesıelik turǵyn úı salý», «Satyp alýsyz jalǵa beriletin turǵyn úı» baǵyttary aıasynda Nur-Sultan qalasy ákimdiginiń tapsyrysymen A 98 k-si jáne E 496 k-si mekenjaılary boıynsha jańa kópqabatty turǵyn úı keshenderi (MTJ) salyndy.
E 496 kóshesindegi turǵyn úı kesheni 364 páterdi qamtıdy, olardyń 182-si kezekte turǵandar arasynda bólingen, olardyń ishinde halyqtyń áleýmettik jaǵynan osal toptarynyń ókilderi, sonyń ishinde kópbalaly analar, memlekettik qyzmetkerler men bıýdjettik uıymdardyń qyzmetkerleri bar. Taza árlengen turǵyn úıdiń 1 sharshy metri naryqtyq baǵadan áldeqaıda tómen jáne 180 myń teńgeni quraıdy. Merdiger -«Edem» JShS.
A 98 kóshesindegi turǵyn úı kesheninde barlyǵy 53 páter berildi. Onyń ishinde kópbalaly analarǵa 10 páter bólindi. Bul jaldamaly turǵyn úı Nur-Sultan ákimdiginiń kezeginde turǵan halyqtyń áleýmettik-osal toptaryna satyp alý quqyǵynsyz beriledi. Bas merdiger - «KazStroıPodrıad» JShS. «Búgin - kezekte turǵan elordalyqtar úshin úlken qýanysh.
«Nurly jer» turǵyn úı qurylysy baǵdarlamasyn júzege asyrý arqasynda 417 otbasy baspanaly boldy. Barshańyzdy kópten kútken jáne aıtýly oqıǵamen quttyqtaımyn. Sizderdiń úılerińizde árqashan beıbitshilik, kelisim jáne amandyq ústemdik etsin!», - dedi B.Sultanov.
Saltanatty rásimnen keıin Baqyt Sultanov jańa TK aýlasyna aǵash otyrǵyzdy.
Qazirgi ýaqytta Elbasynyń bes áleýmettik bastamasy aıasynda qurylys qarqyny men qosymsha tetikter esebinen turǵyn úı salasyndaǵy jaǵdaı aıtarlyqtaı jaqsarýda.
Aǵymdaǵy jyly Nur-Sultan qalasynda jalpy aýdany 141,8 myń sharshy metr 1,9 myń páterden astam jeti MJK paıdalanýǵa berý josparlanǵan. Bul rette demografııalyq prosester men kóshi-qon aǵyndaryn eskere otyryp, turǵyn úıge muqtaj azamattardyń sany ulǵaıýda.
Búgingi tańda elordada 45 748 adam baspana kezeginde tur.
