Búgin qaladaǵy J.Dosmuhameduly kóshesi, 4 mekenjaıynda ornalasqan jataqhanadan órt shyqty. Belgili bolǵandaı, jataqhananyń 2-qabatyndaǵy aýmaǵy 18 sharshy metrlik bólme órtke oranǵan. О́rt sóndirý qyzmeti tilsiz jaýdy ýshyqtyrmaı, jyldam sóndirdi. Sondaı-aq, oqıǵa ornynan 32 adam evakýasııalandy. О́rt kezinde kishkentaı bala gazdan ýlanyp, ortasha deńgeıli jaraqatpen qalalyq aýrýhanaǵa jetkizildi.
Oqıǵa ornyna qala basshysy jetti. О́z kezeginde Baqyt Sultanov Baıqońyr aýdandyq ákimdigi basshylaryna órtten zardap shekken jandarǵa jan-jaqty kómek kórsetýdi tapsyrdy.
Sonymen qatar, turǵyndar elorda ákimine jataqhanany apat jaǵdaıyndaǵy súriletin turǵyn úı qataryna qosýdy surady. О́tinish boıynsha ákim arnaıy áleýmettik komıssııa jiberip, ǵımaratty tekserýdi tapsyrdy.
