Atyraý qalasynda ótken týrnırde «Batys» óńirlik qolbasshylyǵynyń 41433, 25744, 41321 jáne 30238 áskerı bólimderinen 4 komanda qatysty. Komanda quramy 7 oıynshydan quraldy, olardyń 4 alań oıynshylary, 1 qaqpashy jáne 2 qosalqy oıynshy.
Týrnırge udaıy túrde sportpen aınalysyp júrgen áskerı qyzmetshilerdiń 14 jasqa tolmaǵan balalary qatysty. Onyń nátıjesinde birinshi oryndy aqtóbelik 30238 áskerı bólimi, ekinshi oryndy aqtaýlyq 25744 áskerı bólimi, al úshinshi oryndy Atyraýdaǵy 41433 áskerı bóliminiń komandalary ıelendi. Týrnırdiń úzdik shabýylshysy bolyp 16 gol soqqan Nátjan Daýlet atandy.
-Áskerı qyzmetshilerdiń balalary arasyndaǵy fýtbol týrnıri olardy salaýatty ómir saltyn ustanýǵa, dene tárbıesi men sportty dáripteý maqsatynda ótkizildi. Bıyl jarys alǵash ret uıymdastyryldy, endi jyl saıyn ótkiziletin bolady, deıdi «Batys» óńirlik qolbasshylyǵynyń baspasóz qyzmetinen kapıtan Rýstem Igısınov.
Jeńimpaz komanda aýyspaly kýbokpen marapattalsa, júldegerler medal, gramota jáne fýtbol doptarymen marapattaldy.
