- Shtab quramyna belgili qoǵam qaıratkerleri men ıntellegensııa, mádenıet, bilim, medısına jáne taǵy da basqa salalardyń ókilderi men partııanyń ardagerleri men jetekshileri kirdi. Bul bizdiń saılaýshylarymyzdyń úlken qurmeti men senimine ıe bolǵan oblys pen eldegi eń tanymal jáne bedeldi adamdar. Sondaı-aq partııanyń belsendileri men jaqtastarynyń qoldaýymen qalalyq jáne 12 aýdandyq shtabtar qurylyp, oǵan 500 - den astam adam kirdi, - dedi ol.
Osy joly alǵash ret shtab janynan jastar qanaty qurylǵan. Olar óz qurdastary arasynda belsendi úgit-nasıhat jumystaryn júrgizedi. Oblystyq qoǵamdyq shtab «Nur Otan» partııasynyń oblystyq fılıalynyń ǵımaratynda ornalasqan. Shtab úgit-nasıhat jumysyn 11 mamyr kúni saǵat 18:00-den bastaıdy. Sonymen qatar qoǵamdyq qabyldaý bólmeleri jumys isteıdi. Oǵan oblys turǵyndary óz ótinish-tilekterimen júgine alady.
- Biz saılaý ádil básekelestik túrde ótetinine senimdimiz. Senimdi ókilderimiz saılaýaldy úgit-nasıhat jumystaryn júrgizip, jergilikti jerlerde bizdiń kandıdattyń múddesin bildiretin bolady. Bul aldyńǵy qatarly jáne daıarlanǵan partııalyqtar toby - jergilikti 1284 adam. Partııa óz kúshine jáne saılaýshylarymyzdyń qoldaýyna senedi. Biz jumysymyzda saılaý naýqanyn júrgizýdiń saıası tehnıkasy men áleýmettik jelilerdiń artyqshylyqtaryn belsendi paıdalanamyz, - dep atap ótti Sánııa Qaldyǵulova.
