Quralaıdyń salqyny
Beısenbi, 23 mamyr 2013 2:46
Halyq kúntizbesi boıynsha 20-25 mamyr aralyǵy kıik laǵyn órgizetin kezge tuspa tus keledi. Álbette, osy bir kúnderde kún salqyndap, jaýyn-shashyn bolýy da tabıǵattyń basty ereksheligi. Muny halyq quralaıdyń salqyny dep ataıdy. О́ıtkeni, shyjyǵan ystyqta emes dál osyndaı qońyr salqyn kúnder dala arýy tóli – quralaıdyń tez aıaqtanyp, júıtkip ketýine qolaıly delinedi. Bıylǵy jyly osy halyqtyq boljam men kúntizbe aınymaı dál, sol qalpynda kelip turǵanyn el-jurt oń, jaqsy qubylysqa joryp otyr.
Beısenbi, 23 mamyr 2013 2:46
Halyq kúntizbesi boıynsha 20-25 mamyr aralyǵy kıik laǵyn órgizetin kezge tuspa tus keledi. Álbette, osy bir kúnderde kún salqyndap, jaýyn-shashyn bolýy da tabıǵattyń basty ereksheligi. Muny halyq quralaıdyń salqyny dep ataıdy. О́ıtkeni, shyjyǵan ystyqta emes dál osyndaı qońyr salqyn kúnder dala arýy tóli – quralaıdyń tez aıaqtanyp, júıtkip ketýine qolaıly delinedi. Bıylǵy jyly osy halyqtyq boljam men kúntizbe aınymaı dál, sol qalpynda kelip turǵanyn el-jurt oń, jaqsy qubylysqa joryp otyr.
Iá, mamyrdyń dál ortasynda Batys Qazaqstan oblysy aýmaǵyndaǵy ystyq 38 gradýsqa deıin jetti. Áıtse de, 19 mamyr kúni aýa temperatýrasy tómendep sala berdi. Osy janǵa jaıly qubylys odan keıingi kúnderge de jalǵasty. Quralaıdyń salqyny soqty desti óńirdegi kónekóz qarııalar. Buǵan deıingi jyldarda Edil men Jaıyqtyń aralyǵynda mıllıondap júrgen erke dala arýlarynyń sany onsha dál emes derek kózderine qaraǵanda, qazir otyz myńnyń o jaq bu jaǵynda kórinedi. Onyń sońǵy jyldarda qansha ese azaıǵanyn, qansha ese qyrylǵanyn osydan-aq bile berińiz. Budan biraz ýaqyt buryn oblys aýmaǵynda mamyr aıynyń aıaǵynda kıikter eki jyl qatarynan qyryldy. Ár jylǵy shyǵyn mólsheri resmı derekterde 12 myń delingenimen, shyntýaıtyna kelgende onyń sany budan álde-qaıda kóp dep tujyrymdaıdy janýarlar dúnıesin qorǵaý jónindegi mamandar. Kezinde onyń sebebi men saldary da aıtylǵan bolatyn. Qalaı desek te, bolar is bolyp, boıaýy sińgeni anyq.
Endigi mindet kıikterdiń ataýy «Qyzyl kitapqa» ilikpeýi úshin onyń aldyn alý, bul baǵytta qoldan kelgen barlyq múmkindikterdi qarastyrý bolmaq. Kıikterdiń órisin belgilep, qajetti jaǵdaıda jelden júırik janýardyń shyǵandap ketpeýi úshin tosqaýyl qoıyp, syrttaı baqylaýǵa alý – sonyń bir joly retinde belgilengen. Búgingi kúni saqtalyp otyrǵan kıikterdiń azyn-aýlaq úıirleri men sońǵy tuıaqtary oblystyń Kaztalov jáne Jánibek aýdandary aýmaǵynda kezdesedi. Endeshe, bul mańaıǵa memlekettik deńgeıde kóńil bólinip, oǵan qoryq mártebesin berý joldary qarastyrylsa aqbókenderdiń jappaı quryp ketpeýine septigi tıer edi-aý degen oı keledi.
Temir QUSAIYN,
«Egemen Qazaqstan».
Batys Qazaqstan oblysy.
––––––––––––––––––
Sýrette: kıiktiń laǵy.
