Oqıǵa
Senbi, 25 mamyr 2013 2:40
Eki kılo synap tógildi
О́skemen qalasynda munyń aldynda da turǵyn úıdiń aýlasyna asa qaýipti synaptyń tógilgeni jóninde sýyt habar taraǵan. Endi araǵa bir aı salyp О́skemendegi Kırov kóshesinde qoqys jáshiginiń janynda eki kıloǵa jýyq synaptyń tógilgeni rastaldy.
Senbi, 25 mamyr 2013 2:40
Eki kılo synap tógildi
О́skemen qalasynda munyń aldynda da turǵyn úıdiń aýlasyna asa qaýipti synaptyń tógilgeni jóninde sýyt habar taraǵan. Endi araǵa bir aı salyp О́skemendegi Kırov kóshesinde qoqys jáshiginiń janynda eki kıloǵa jýyq synaptyń tógilgeni rastaldy.
Qutqarýshy mamandar sýyt habardy estı salysymen janushyryp jetip, suıyq zatty dereý jınap aldy jáne polısııa qyzmetkerlerine tapsyrdy. Al synap tógilgen jerdi permanganat kalıımen zalalsyzdandyrdy. Nátıjesinde adamdar qaýipti ýly zattan aman qaldy.
Ońdasyn Elýbaı,
«Egemen Qazaqstan».
О́skemen.
_________________
8-shi qabattan qulap, aman qaldy
Kórer jaryqtary, keler keleshekteri bar eken. Astana qalasynda, Esildiń sol jaǵalaýynda boı kóterip jatqan «Hılton» atty elıtaly meımanhanany salysyp júrgen úsh jigit segizinshi qabattan jerge qulap túsip, áýpirimmen aman qaldy.
Osylaı ǵajaıyptyń ǵalamatymen jandaryn keýdelerinde saqtap qalǵan úsh jigit te sol boıda ártúrli dene jaraqatymen aýrýhanaǵa jetkizildi. Tótenshe jaǵdaılar departamenti baspasóz qyzmetiniń habarlaýynsha, bul oqys oqıǵa beısenbi kúni oryn alǵan. Osy kúni kúndiz jigitter atalmysh qonaqúıdiń qasbetinde jumys jasap jatqan. «Úıdiń 8-shi qabaty tusynda «Bazıs fasad» JShS-ynda eńbek etetin 1994 jyly týǵan eki jigit jáne 1993 jyly týǵan bir jigit turǵan kótergish qurylǵy kenet jerge qaraı qulap túsken», – delingen habarlamada.
Qalaı degende de, jas jumysshy jigitterdi bir qudiretti kúsh saqtap qaldy.
Sáken MAILYBAI.
