Sport • 07 Mamyr, 2019

Djadd Tramp snýkerden álem chempıony atandy

802 ret kórsetildi

Anglııanyń Sheffıld qalasynda snýkerden ótken álem chempıonatynda (20 sáýir – 6 mamyr) brıtanııalyq Djadd Tramp tamasha tabysqa qol jetkizdi. Fınaldyq jekpe-jekte ol álemniń tórt dúrkin chempıony Djon Hıggınsti 18:9 esebimen oısyrata jeńip, sporttyq mansabynda tuńǵysh ret álem chempıony ataǵyna ıe boldy.

Bul chempıonatta birneshe álem rekordy dúnıege keldi. Mysaly, Tramp chempıonattaǵy 100-shi senchýrıdi jáne fınaldaǵy 11-shi senchýrıdi jasady. Munsha senchýrı-breık álem chempıonattarynda buryn-sońdy bolyp kórmegen edi. Sonymen qatar, ol osy chempıonattyń bas júldesi 500 myń fýnt sterlıngti (249 792 320,95 teńge) jeńip alǵan soń, álemde bir maýsym ishinde bir mıllıon fýnt sterlıngten astam tabysqa qol jetkizgen tuńǵysh snýkershi atandy.

Osy jeńisinen keıin 29 jasar Djadd Tramp álemdik reıtıngte 1166500 upaımen ekinshi orynǵa kóterildi. Al kósh basynda – 1196500 upaımen Ronnı O'Sallıvan tur.

Eske salsaq, Djadd Tramp pen Djon Hıggıns 2011 jyly álem chempıonatynyń fınalynda kúsh synasqan bolatyn. Ol kezde 21 jasar Tramp 15:18 esebimen tájirıbeli qarsylasyna ese jibergen edi.



Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar