Jaqynda Ilııas Jansúgirov oqýlaryna qatysqan Álibek bas júldeni qanjyǵasyna baılady. Ol aqyn atasynyń jyryn jatqa aıtyp, arnaý óleńin oqyp jáne Jansúgirovtyń dramalyq shyǵarmasynan úzindini sahnalady. Belgili aqyn jazýshylar men ádebıettanýshylardan quralǵan qazylar alqasy Álibektiń ónerin joǵary baǵalap, bas júlde berdi. Báıgege tigilgen 500 000 teńge kólemindegi syıaqyny aýdan ákimi Esim Bazarhanov tapsyrdy.
- Júlde qomaqty eken. Ata-anammen aqyldasa otyryp, men bul júldemdi «Ilııas Jansúrgirov» qoryna tapsyrǵym keldi. Bıyl aqyn atamyzdyń týǵanyna 125 jyl tolyp otyr. Aýdanda atamyzǵa arnalǵan kóptegen shara ótpekshi. Soǵan qosqan úlesim bolsyn dep oıladym. Al ózim áli talaı jarysta top jaramyn ǵoı, - deıdi Álibek.
Aıtpaqshy, oqýshylar arasynda ótken Ilııas oqýlaryna elimizdiń 13 oblysy men jeke qalalardan 24 úmitker keldi. Jas Ilııastanýshylar aqyn týǵan ólkeniń tabıǵatyn tamashalap, Molyqbaı atyndaǵy Mádenıet úıinde uıymdastyrylǵan ólketaný murajaıyn aralady.
