Taıaý kúnderi EQDB atalmysh baǵdarlamanyń nátıjelerimen tanystyrý úshin BAQ ókilderin Goldman jáne Young, Clotwell, Sunpaper, «Almaty ashyqty zaýyty» AQ «Almaty Yeast Plant», «Adal Sut» JShS-niń basshylarymen beıresmı jaǵdaıda kezdestirdi. Jýrnalıster shaǵyn jáne orta bıznesti júrgizýge qatysty eki taraptyń da ýájin tyńdap, saýaldar qoıýǵa múmkindik aldy.
EQDB Qazaqstannyń shaǵyn jáne orta kásiporyndarynda (ShOB) taýar aınalymyn ulǵaıtýǵa jáne jańa jumys oryndaryn qurýǵa baǵyttalǵan jobalarǵa naqty qoldaý kórsetip otyr. Osynyń arqasynda Bank ShOB-qa, ıaǵnı menshik ıeleri men basqarýshylaryna óz bıznesin transformasııalaýǵa jáne ony básekege qabiletti etýge kómektesetin bilikti jergilikti keńesshiler men halyqaralyq salalyq sarapshylardy tartýǵa kómektesedi. Bul is-sharalar úshin EQDB osyndaı jobanyń qunyn ishinara jabýǵa kómektesetin granttar bóledi. Granttyq qarajattar Qazaqstan Respýblıkasynyń Ulttyq ekonomıka mınıstrligi, «Teńizshevroıl» JShS jáne «Shell Kazakhstan» kompanııalary arqyly qamtamasyz etildi.
Goldman and Young (G&Y) – HORECA sektorlary men basqa da azyq-túlik óndirýshilerine ónerkásiptik hımıkattar shyǵarady. Atalmysh kompanııa EQDB qoldaýynyń arqasynda jergilikti jáne halyqaralyq sarapshylarmen birigip, birneshe jobany júzege asyrdy. Nátıjesinde kompanııanyń saýda aınalymy eki ese ósti, satý bólimshelerindegi úderister jaqsardy. Hımııalyq ónimderdiń eń iri halyqaralyq óndirýshileriniń biri Diversey-men kelisim-shart jasalyp, iske qosyldy.
Talǵardyń Clotwell tigin fabrıkasy da Kaızen jónindegi EQDB-nyń jergilikti keńesshilerimen birge óz jobalaryn iske asyryp, kásiporyndy avtomattandyrýǵa qol jetkizdi. Halyqaralyq sarapshylar kompanııaǵa óz strategııasyn damytyp, sondaı-aq naryqqa jańa ónimderdi engizýge kómektesti.
Sol sııaqty naýbaıhana ashytqysyn shyǵaratyn elimizdegi jalǵyz mamandandyrylǵan kásiporyn «Almaty Yeast Plant» AQ EQDB-na halyqaralyq saraptama júrgizý úshin ótinish bergen bolatyn. Álemdik brendtermen jumys isteý tájirıbesi mol Túrkııadan kelgen salalyq sarapshy ashytqy sapasyn aıtarlyqtaı jaqsartýǵa, shyǵyndardy 10% tómendetýge, ashytqylardyń saqtaý merzimin 25-ten 45 kúnge deıin arttyrýǵa jáne jabdyqtardyń ónimdiligin eki esege arttyrýǵa kómektesti. Serbııadan mamandar marketıng jáne satý máselelerin sheshýge septesti. Al jergilikti keńesshiler kompanııaǵa qarjylyq esep pen avtomattandyrýdy engizýge kómektesti.
«Adal Sút» agroónerkásiptik kompanııasy» JShS Qazaqstan naryǵyna 20 jyldan astam ýaqyt boıy sút ónimderimen qamtamasyz etip keledi. Kompanııa EQDB-nyń halyqaralyq ındýstrıaldy sarapshylarymen eki jobany, jergilikti keńesshilermen eki joba júzege asyrdy. Osy jobalardyń arqasynda kompanııa satý bóliminiń qurylymyn ońtaılandyryp, jańa ónim túrlerin shyǵaryp, Qyrǵyz Respýblıkasynyń naryǵyna kirdi. EQDB-men áriptestiktiń arqasynda «Adal Sút» kompanııasynyń aınalymy 44%-ǵa, belsendi klıenttik baza 18% -ǵa ósken.
ALMATY
