«Qazirgi kezde QR-nyń Qarýly Kúshteri qatarynda qyzmet etý – árbir qazaqstandyqtyń qurmetti mindetine aınaldy. Aqtóbelikter búgingi kúni Otanymyzdyń qorǵanys qabiletin nyǵaıtýǵa, Qazaqstan halqynyń ıgiligi men beıbitshilikti qorǵaýǵa laıyqty úlesin qosýda. Qarýly Kúshterdiń qataryna jyl saıyn 2 myńnan astam aqtóbelik shaqyrylyp, erlik pen batyrlyq mektebinde shyńdalýda. «Táýelsizdikke qol jetkizgennen góri ony ustap turý áldeqaıda qıyn»- degen Tuńǵysh Prezıdent sóziniń maǵynasy óte tereńde jatyr. Álemniń ár túkpirinde túrli qubylystar men ózara alaýyzdyq oryn alyp jatqan ýaqytta elimizdiń qorǵanys qabileti men áskerı doktrınasyn kúsheıtý óte mańyzdy. Ulttyq salt-dástúrimiz ben zamanaýı úrdisterdi úılesimdi sabaqtastyryp, ulandarymyzdy patrıottyq rýhta, adal, qaısar minezdi sarbaz etip tárbıeleý – bizdiń mindetimiz.Qadirli ardagerler, ofıserler men jaýyngerler, jerlester, sizderdi eldik pen erliktiń tiregi bolyp tabylatyn Otan qorǵaýshylar kúni merekesimen shyn júrekten quttyqtaımyn», dedi Ońdasyn Seıiluly.
Sonymen qatar, aımaq basshysy áskerı salada qyzmet atqaryp júrgen 10 azamatty alǵys hatpen marapattap, 5 azamatqa páter kiltin tapsyrdy.
Merekelik jıyn óńirdiń ónerpazdary uıymdastyrǵan konserttik baǵdarlamaǵa ulasty.
