Halyqqa jedel ári sapaly qyzmet kórsetý úshin atalǵan qabyldaý oryndaryna 150-deı adam jumyldyrylyp, sáýir aıynda 14 myńnan astam turǵynnyń ótinishi qabyldanǵan. Nátıjesinde 6 myńǵa jýyq otbasyǵa qarjylaı kómek taǵaıyndaldy. Byltyr Shymkentte 10 myńnan astam otbasy ataýly áleýmettik kómek alǵan bolatyn. Bıyl bul kórsetkishtiń sany arta túspek.
Memleket tarapynan berilgen áleýmettik kómekke alǵashqylardyń biri bolyp 7 balanyń anasy Mamrahan Bekmetova ıe boldy. Qýanyshy qoınyna syımaǵan ana qujattaryn esh qıyndyqsyz qabyldaǵan jumyspen qamtý ortalyǵynyń mamandaryna alǵys bildirdi.
– Shymkent qalasy boıynsha ataýly áleýmettik kómekke ótinish bildirgen otbasylardyń sáýir aıynda tapsyrǵan qujattarynyń barlyǵy qamtylady. Sonymen qatar qala turǵyndarynyń áleýmettik kómek ala almaı qalamyn degen kúdigin týdyrmaý úshin ótinish bildirgen otbasylardyń is-qaǵazdaryn tolyqqandy zań aıasynda qarap, nazarǵa alamyz, – deıdi qala ákiminiń orynbasary Gúljan Qurmanbekova.
Kóp balaly analar men áleýmettik jaǵynan az qamtylatyn otbasylar ataýly áleýmettik kómek jetpeı qalýy múmkin dep alańdaǵan bolatyn. Alaıda salaǵa jaýapty tulǵalar Elbasy tapsyrmasymen bólingen qarjylaı kómektiń jetkilikti ekenin aıtyp, halyqtyń alańdaýyna negiz joq ekenin túsindirdi.
ShYMKENT
